Дәмәшгдә Ханым Зејнәбин (әлејһис сәлам) мөвлуд тәдбири кечирилиб + Видео

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Пејғәмбәр (сәлләлаһу әлејһи вә алиһ) өвладлары арасында, вилајәт бағынын илк гызы, иман вә тәгва, елм вә мәрифәт, сәбр вә дөзүм вә башга инсани фәзиләтләр сарыдан тамамланмыш, камил бир инсанын бариз нүмунәси Ханым Зејнәби-Кубранын (сәламуллаһи әлеһа) мөвлуд ҝеҹәси Сурија пајтахты Дәмәшгдә јерләшән Ханым Зејнәби-Кубранын (сәламуллаһи әлеһа) һәрәминдә, Имам Хомејни адына сәһнәдә Әһли Бејт (әлејһимус сәлам) ашигләри тәрәфиндән мөһтәшәм мөвлуд тәдбири кечирилиб. Тәдбирдә Әһли Бејт (әлејһимус сәлам) Мәддаһлары Ханым Зејнәб (сәламуллаһи әлејһа) шәниндә мүхтәлиф Илаһиләр охумуш вә Дүнја Мүсәлманларынын Али Лидери Имам Хаменеи ҹәнабларынын Рәсми Нүмајәндәси Һөҹҹәтүл Ислам вәл Мүслимин Сејјид Һүсејни ҹәнаблары, Ханым Зејнәбин (әлејһа сәалм) шүҹаәти, иман вә әхлагы дәјәрләриндән өзәлликлә чәтинликләр вә мүсибәтләр мүгабилиндә ҝөстәрдији дөзүмлүлүјүндән данышмышлар. Гејд едәк ки, мәрасимдә һәр ил олдуғу кими бу илдә јени һәдди булуғ јашына чатмыш гыз ушагларына 9 јаш мүнасибәти илә мүхтәлиф һәдијјәләр верилиб.