Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Австралија дөвләти 18 март 2013 тарихдә әл-Гаидә террор тәшкилатынын ганады сајылан әл-Нүсрә ҹәбһәси”н террор сијаһысында гејд едиб.
Австралија Хариҹи Ишләр Назири Боб Кар билдириб ки, Астралија дөвләтинин бу аддымы мәһз әл-Нүсрә ҹәбһәсинә олунан мадди вә мәнәви дәстәкләрин дајандырылмасы зәмининдә атылмышдыр.
Боб Кар гејд едиб ки, бу террор груплашмасынын 5 миндән артыг фундаментал дөјүшчүсү вардыр. Бу груплашма террор вә ҹинајәтләр илә долу бир тарихә маликдир. Онлар тәкҹә Сурија Милли Ордусуна гаршы дејил, һәтта Сурија мүлки вәтәндашлара гаршы амансызлыглар төрәтмишләр.
Австралија Хариҹи Ишләр Назири сонра билдириб: “әл-Нүсрә” кими радикал груплашмаларын тәкҹә Суријада дејил, үмумијјәтлә дүнјанын һеч бир јериндә онлара јер јохдур”.
Боб Кар даһа сонра әлавә едәрәк дејиб: ““әл-Нүсрә” террор груплашмасынын Ирагда фәалијјәт ҝөстәрән “әл-Гаидә” террор тәшкилаты илә бир баша сых әлагәси вардыр, әл-Гаидә груплашмасы вахташыры олараг, Суријаја ҹанлы вә мадди јардымлар ҝөстәрмәкдә давам едир”.
Австарлија Хариҹи Ишләр Назирлијиндән верилән мәлумата әсасән, Австралијада “әл-Нүсрә” террор груплашмасына ианә мәгсәди илә пул јыған һәр бир шәхси 10 ил һәбс ҹәзасы ҝөзләјир.
Диггәт: Хәбәрдән истифадә етдикдә мәнбәјә истинад лазымдыр
