Әһли Бејт (әлејһимус сәлам) -АБНА- Хәбәр Аҝентлији- Бу ҝүн Пејғәмбәр (сәлләлаһу әлејһи вә алиһ) өвладлары арасында, вилајәт бағынын илк гызы, иман вә тәгва, елм вә мәрифәт, сәбр вә дөзүм вә башга инсани фәзиләтләр сарыдан тамамланмыш, камил бир инсанын бариз нүмунәси Ханым Зејнәби-Кубра (сәламуллаһи әлеһа) мөвлуд ҝүнүдүр.
Биз АБНА олараг, бу ҝөзәл мүнасибәти илә башда Ислам Пејғәмбәри олмагла Имам Заман (әҹҹәләллаһу фәрәҹәһу шәриф) һәзрәтләрини вә бүтүн бәшәријјәти хүсуси илә дә ханымлары сәмими гәлбдән тәбрик едир вә бу мөһтәшәм бајрамла әлагәдар сајтымызын зијарәтчиләринә Ханым Зејнәбин (әлејһа сәлам) һәјаты һаггда гыса мәлуматы тәгдим едирик.
Атасы биринҹи Имам, Әмирәл Мөминин Әли ибн Әбу Талиб (әлејһис сәлам), анасы Ханымлар Ханымы, Пејғәмбәрин (сәлләлаһу әлејһи вә алиһ) гызы Ханым Фатимеји Зәһра (сәламуллаһи әлејһа) һәзрәтләридир.
Һәзрәти Зејнәб (сәламуллаһи әлејһа) һиҹри тәгвими илә 5-ҹи илдә (милади тарихи илә 626-ҹы илдә) Сәуди Әрәбистанын Мәдинә шәһәриндә анадан олуб. О, беш илә гәдәр бабасы Пејғәмбәрлә бир заманда јашамышдыр.
Һәјат јолдашы әмиси Ҹәфәри-Тәјјарын (әслејһис сәлам) оғлу Әбдүллаһдыр.
Һәзрәт Зејнәбин Арифә, Муһәддисә, Алимә вә с. кими ләгәбләри, Зејнәб, Зејнәби-Кубра, Зејнәб бинт Әли (әлејһа сәлам ) ад вә күнјәләри варды.
Пејғәмбәр јени доғулмуш көрпәнин адыны Ҹәбрајыл (әлејһис сәлам) назил олуб хәбәр ҝәтирәндән сонра Зејнәб гојур. Зејнәб атанын зијнәти демәкдир.
Һәзрәт Зејнәб (әлејһа сәлам ) беш илә гәдәр Пејғәмбәрлә (сәлләлаһу әлејһи вә алиһ) бир јердә јашамышдыр. Бу мүддәт онун Пејғәмбәр (сәлләлаһу әлејһи вә алиһ) сәһабәләриндән һесаб олунмасына кифајәтдир вә бу да бу барәдә јазылмыш китабларда гејд олунмушдур.
Ханым Зејнәб (әлејһа сәлам ) чох дөзүмлү, ҝүҹлү, сәбирли бири олуб. Кәрбәла һәгигәтләринин дүнјаја чатдыран да мәһс Ханым Зејнәб олуб.
Һәзрәти Зејнәб (әлејһа сәлам ) Ашура фаҹиәсиндән сонра һәм әсирләр карванындакы гадынлара вә ушаглара рәһбәрлик етмиш, һәм дә өз атәшин хүтбәләри илә Језид һөкумәтинин ич үзүнү ачыб инсанлара ҝөстәрмишди.
Мәрһум Устад Шәһријар өз шериндә белә дејир:
Кәрбәла фаҹиәси бәзрин әкиб башланды
Та Гијамәт нә гопа, Зејнәби Кубра башына
Ханым Зејнәб (әлејһа сәлам ) барәдә бујурулан кәламлар
Ашура фаҹиәсиндән сонара Күфәјә ибни Зијадаын сарајына ҝәтиздиздирилән Ханым Зејнәб (әлејһа сәлам ) үзүнү ибни Зијада тутараг “еј Зијадын оғлу! бәсди, бизим ганымызы төкдүн һеҹ вахт Әли ибн Һүсејндән (Имам Зејнәлабидиндән әлејһис сәлам) ајрылмарам. Әҝәр ону өлдүрмәк исдәсән мәним ганымы онун ганына гат” дејәрәк она сәсләнди.
Бу заман Имам Зејнәлабидин (әлејһис сәлам) белә бујурду: “Бибиҹан! һәмд олсун Аллаһа сән мүәллимсиз алимә вә усдатсыз анлагли олан бир гадынсан”.
Имам Зејнәлабидин (ә): Бибим Зејнәб күфә вә шам сәфәрләриндә бүтүн јол боју ваҹиб вә мүсдәһәб намазлары һамсын јернә јетирди.Сәфәрин јорхнлугу вә чәтинликләри илә растлашды,јетимләрә нәвазиш ҝөсдәрмәк ,мүсүбәт чәкмиш гадынлара нәвазиш ону Аллаһла мүнаҹат ве ҝеҹә нафиләләри гылмағдан узаг салмады
Диггәт: Хәбәрдән истифадә етдикдә мәнбәјә истинад лазымдыр
