Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан вәтәндашларына хариҹә ҝетмәк һүгугу верән үмумвәтәндаш паспортларынын верилмәсинә вә ја дәјишдирилмәсинә ҝөрә дөвләт рүсумларына дәјишиклик мүзакирәјә чыхарылыб.
Тренд-ин мәлуматына ҝөрә, Азәрбајҹан Милли Мәҹлисиндә "Дөвләт рүсуму һаггында" гануна мүвафиг дәјишиклик парламентин Игтисади сијасәт комитәсинин ҹүмә ахшамы кечирилән иҹласына чыхарылыб.
Дәјишиклијә ҝөрә, үмумвәтәндаш паспортларынын он иш ҝүнү мүддәтиндә верилдикдә вә ја дәјишидирилдикдә, Азәрбајҹан вәтәндашынын вә ја онунла ҝедән шәхсләрин тәҹили мүалиҹәси јахуд хариҹдә јашајан јахын гоһумунун ағыр хәстәлији, өлүмү вә ја диҝәр мүстәсна һалларда ики ҝүн мүддәтинә верилдикдә вә ја дәјишдирилдикдә 1 јашынадәк ушаглара 10 манат, 1-3 јашынадәк - 20 манат, 3-18 - 30 манат, 18 јашына чатмышлара 40 манат мәбләғиндә дөвләт рүсуму мәзәрдә тутулур.
Гануна тәклиф олунан дәјишиклијы ҝөрә, үмумвәтәндаш паспортларынын беш иш ҝүнү мүддәтиндә верилдикдә вә ја дәјишдирилдикдә 1 јашынадәк ушаглара 20 манат, 1-3 јашынадәк - 40 манат, 3-18 - 60 манат, 18 јашына чатмышлара 80 манат, бир иш ҝүнү мүддәтиндә верилдикдә вә ја дәјишдирилдикдә исә 1 јашынадәк ушаглара 40 манат, 1-3 јашынадәк - 80 манат, 3-18 - 120 манат, 18 јашына чатмышлара 160 манат дәјәриндә дөвләт рүсуму мүәјјән олунур.
Комитә ганун лајиһәсинә дәјишикләри гәбул едәрәк Милли Миҹлисин иҹласына төвсијә едиб.
Гејд едәк ки, мөвҹуд ганунвериҹиликдә Азәрбајҹан Республикасы вәтәндашларына хариҹә ҝетмәк һүгугу верән үмумвәтәндаш паспортларынын верилмәсинә вә ја дәјишдирилмәсинә ҝөрә, беш иш ҝүнүндән сонракы мүддәтдә верилдикдә вә ја дәјишдирилдикдә, јахуд Азәрбајҹан Республикасы вәтәндашынын вә ја онунла ҝедән шәхсләрин тәҹили мүалиҹәси, јахуд хариҹдә јашајан јахын гоһумунун ағыр хәстәлији, өлүмү вә ја диҝәр мүстәсна һалларда ики ҝүн мүддәтиндә верилдикдә вә ја дәјишдирилдикдә - 40 манат, беш иш ҝүнү мүддәтиндә верилдикдә вә ја дәјишдирилдикдә - 120 манат дәјәриндә дөвләт рүсуму нәзәрдә тутулур.
Диггәт: Хәбәрдән истифадә етдикдә мәнбәјә истинад лазымдыр
