Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын Һава Гүввәләри Команданы ҝенерал Фәрзад Исмаили ачыглама вериб: “Иран Ислам Республикасынын һава сәрһәдләрини позмаға чалышан Америкаја мәхсус кәшфијјат тәјјарәси, сәрт хәбәрдарлыгдан сонра ҝери гајыдыб.”
Ҝенерал билдириб ки, Иран Ислам Республикасынын һава мүдафиәси системинин радарлары, өтән ајын 10-да өлкәнин һава мәканына дахил олмаға чалышан “The US U2” типли кәшфијјат тәјјарәсини мүәјјән едиб.
Иран Ислам Республикасынын ҹәнуб әразиләринин шәклини чәкмәк вә мәлумат топламаг үчүн ҝәлдији еһтимал олунан тәјјарә, хәбәрдарлыг едилдикдән сонра ҝери гајыдыб.
Тәјјарә Пакистанын ҹәнуб-гәрбиндән, Оман дәнизинин шәрг тәрәфиндән ИИР әразисинә доғру учмаға ҹәһд едиб.
Америкаја мәхсус “The US U2” типли кәшфијјат тәјјарәси ән сон техники наилијјәтләр әсасында һазырланмыш дүнјанын ән габагҹыл кәшфијјат тәјјарәсидир.
Диггәт: Хәбәрдән истифадә етдикдә мәнбәјә истинад лазымдыр
