Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Јазычы-кинорежиссор Елдәниз Гулијевин рәһбәрлик етдији Азәрбајҹан Зијалылар Бирлији Ислам партијасынын һәбсдә олан сәдри Һаҹы Мөвсүм Сәмәдову ҹари илин јанвар ајында “Ылин мәнәвијјат адамы” өдүлү илә тәлтиф едиб. Һәр ил аналожи мејарлар әсасында иҹтимаи-сијаси хадимләрдән бирини фәхри адла тәлтиф едән гурум бу ил Һаҹы Мөвсүм Сәмәдову мәнәви дәјәрләр уғрунда мүбаризә апаран шәхс кими гијмәтләндириб.
Зијалылар Бирлијинин мәлум аддымына мүнасибәт билдирән мүхалиф сијаси партија лидерләри дә һесаб едир ки, сијаси мәһбус олдуғу һеч кимдә шүбһә доғрумајан Һаҹы Мөвсүм Сәмәдовун һәбсдән азад едилмәси ваҹибдир. Сијасиләр Елдәниз Гулијевин Һаҹы Мөвсүм Сәмәдову мүкафатландырмасыны да доғру аддым кими гијмәтләндириб.
Мүсават башганы Иса Гәмбәрин билдирдијинә ҝөрә, Һаҹы Мөвсүм Сәмәдовун әдаләт уғрунда мүбаризә апардығы һәр кәсә мәлумдур: “Биз һәр бир тәшкилат вә һәрәкатын гәрарларына һөрмәтлә јанашырыг. Бу бахымдан Зијалылар Бирлијинин гәрарына да һөрмәтлә јанашырыг. Аллаһ онун да гапысыны ачсын. 2011-ҹи илин сонунда чох ҹәсарәтли чыхышы илә ҹәмијјәтин диггәтини ҹәлб етмишди. Халгы һагг-әдаләт уғрунда мүбаризәјә сәсләмишди. Бу бахымдан онун гијмәтләндирилмәси мәнтигли бир гәрардыр. Биз бу гәрара һөрмәтлә јанашырыг вә диҝәр һагсыз һәбс олунан виҹдан мәһбусларынын һамысынын азадлыға чыхмасыны арзулајырыг”.
АХҸП сәдри Әли Кәримли дә Һаҹы Мөвсүм Сәмәдовун сијаси мәһбус олдуғуну вурғулајыб: “Биз һәм Халг Ҹәбһәси, һәм дә Ыҹтимаи Палата олараг, онун мәһз һөкумәт әлејһинә олан чыхышларына ҝөрә һәбс олундуғуну дүшүнүрүк вә ону сијаси мәһбус һесаб едирик. Тәшкилатларын кимләри һансыса мејарлар үзрә мүкафатландырмасы исә бу тәшкилатларын өз ишидир. Бу бахымдан Азәрбајҹан Зијалылар Бирлијинин мәлум аддымына һөрмәтлә јанашмаг лазымдыр. Јәгин ки, бу тәшкилатлар арашдырма апарыб өз мүлаһизәләрини әсасландырыблар”.
Азәрбајҹан Либерал Партијасынын сәдри Әвәз Темирхан да Һаҹы Мөвсүм Сәмәдовун һагг-әдаләт уғрунда мүбаризәсинә диггәт чәкиб: “Һаҹы Мөвсүм Сәмәдовла бағлы баш верәнләрә сијаси рәнҝ вермәдән Зијалылар Бирлијинин аддымыны доғру һесаб едирәм. Дүшүнүрәм ки, мәнәвијјат сијаси категоријалардан үстүн олмалыдыр. Әҝәр бир инсан баш верән һагсызлыглара ҝөрә мүбаризә апарыбса вә буна ҝөрә онун өзүнә гаршы һагсыз мүнасибәт олубса, о заман ону мәнәвијјат уғрунда мүбаризә апаран бир шәхс кими гијмәтләндирмәк олар. Һәм дә инди елә бир замандыр ки, биз инанҹлылар вә дүнјәвиләрә, сағчылар вә солчулара бөлүнмәмәлијик”.
Раст Aзери
Диггәт: Хәбәрдән истифадә етдикдә мәнбәјә истинад лазымдыр
