Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Мјанма Күтләви Информасија Васитәләри өлкәдәки бүтпәрәстләрин, Руһинга Мүсәлманларына көмәклик едән мүхтәлиф тәшкилатлара вә онлар үчүн мәнзил тикән ширкәтләрә гаршы бөјүк етираз аксијасы тәшкил етдикләрини билдирибләр.
Вандал бүдпәрәстләр, етираз заманы мүхтәлиф иргчи шүарлар сәсләндирәрәк, дөвләт рәсмиләриндән Мүсәлманлара көмәклик едән вәтәндашларын өнүн кәсиб вә Руһингалылары тамами илә өлкәдән говараг рәдд етмәләрин истәјибләр.
Хатырладаг ки, кечән ил ијун ајындан етибарән Мјанмада бүдпәрәст секталар, Мүсәлманларын јашајыш мәнзилләринә јүрүш едәрәк, јүзләрлә ҝүнаһсыз Мүсәлманлары гәтлиам етмиш, евләрини, Мәсҹидләрини вә мүхтәлиф мүгәддәс мәканларыны виран етмишләр.
Амансыз һүҹумлар сәбәбиндән, Руһинга Мүсәлманларындан азы 115 мин нәфәр гачгын һәјаты сүрмәсинә мәруз галыб.
Иран Ислам Республикасынын БМТ-дәки даими нүмајәндәси Мәһәммәд Хәзаи тәрәфиндән БМТ Баш катиби Бан Ки Муна Руһингалы Мүсәлманларынын сојгырымы илә бағлы мәтуб ҝөндәрилиб. Мәктубда Мјанмада јашајан мүсәлманлара гаршы төрәдилән ҹинајәтләрин гаршысынын алынмасы үчүн тәҹили аддымлар атылмасы тәләб олунуб.
Мјанмада ҹох сајда динҹ вәтәндашын гәтлә јетирилдијинә, Мәсҹид вә евләрин јандырылдығына диггәти јөнәлдән мәктубда, мүсәлманларын јүз илләрлә јашадыглары торпаглардан чыхарылмасынын гәбул едилмәјәҹәји вурғуланыб.
Мәктубда бејнәлхалг аләмин Мјанмадакы күтләви гырғынлар гаршысында һеч бир реаксија ҝөстәрмәмәси бурадакы мүсәлманларын һүгугларынын позулмасына вә вәзијјәтин даһа да писләшмәсинә сәбәб олдуғу гејд едилиб.
Диггәт: Хәбәрдән истифадә етдикдә мәнбәјә истинад лазымдыр
