Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Мәсумәји Гум шәһәринин “Әзәм Мәсҹиди”ндә Пакистанда баш верән Шиә өлүмләри илә бағлы етираз аксијасы кечирилиб.
Аксијада Гум Елми Һөвзәсинин сәдри, һәмчинин Гумун Ҹүмә Намазынын мүвәггәти Рәһбәри Һөҹҹәтүл Ислам вәл Мүслимин Сејјид Һүсејни Бушеһри чыхыш едиб.
Һөҹҹәтүл Ислам вәл Мүслимин Сејјид Һүсејни Бушеһри, Шиәләрин өлүм һөкмүнү верән вә дүшмәнин хәттиндә олдугларыны ҝөстәрән сәләфи алимҹығазларына хитаб едәрәк дејиб: “Биз сизин бу налајиг һәрәкәтләринизә ҹаваб вермәкдә һеч дә бу аҹиз дејилик, лакин дүшмәни севинмәсин дејә сәбр едирик. Бизим бу ҝүн тәшкил етдијимиз мәҹлисимизин сәбәби сүннүләрә јох, бу иши төрәдән ҹинајәткарлара етираздыр. Аллаһ Гуранда ҝеҹәјә, ҝүндүзә вә Пејғәмбәрә анд ичәрәрәк бу ҹүр ҹинајәтләри төрәдәнләри ҹәзаландыраҹағыны билдириб. Инсан һагглары ҹәмијјәти һара бахыр? Нијә сусур? Бу инсанлар Әһли-Бејтин (әлејһимус сәлам) јолуну давам етдирдикләри вә Шиә олдуглары үчүн бу әзабы чәкирләр, башга һеч бир ҝүнаһлары јохдур. Мүсәлманлары амансызҹасына јандыранлар билсинләр ки, ҹәһәннәмдә онлар да јанаҹаглар. Там әминликлә дејирәм мүсәлманларын әсас дүшмәни Америкадыр вә бу ишин архасында да о дајаныр. АБШ-ын гаршысында илк сәдд мүсәлманларын вәһдәтидир. Нијә јәһудиләрлә әл-әлә вериб мүсәлманлары тәк гојмусунуз? Нијә бу ишләри писләмирсиз? Гуранын дедијинә ҝөрә, һәр ким Јәһудиләрлә әл-әлә верәрсә онлар кими олар”.
Сонда Һөҹҹәтүл Ислам вәл Мүслимин Сејјид Һүсејни Бушеһри ҹәнаблары, бу һадисәни писләјән бүтүн Тәглид Мәрҹәләринә вә алимләрә өз тәшәккүрүнү билдириб.
Диггәт: Хәбәрдән истифадә етдикдә мәнбәјә истинад лазымдыр
