Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән әлијевләр режиминдә нөвбәти анти-Ислам сијасәтләр өзүнү бүрузә вериб. Белә ки, Азәрбајҹан Дөвләт Нефт Академијасында (АДНА) һиҹаблы тәләбәни дәрсә бурахмајыблар. Вә университет рәһбәрлији өз әмәлләрини изаһ етмәк үчүн һеч бир ачыглама вермир.
Бу фаҹиә илә бағлы ДЕВАММ - Дини Етигад вә Виҹдан Азадлыгларынын Мүдафиә Мәркәзи бунунла бағлы бәјанат вериб.
Мәркәзин сәдри Һаҹы Илгар Ибраһимоғлунун јајдығы бәјанатда билдирилир: "Тәләбәнин һиҹаблы олмасына ҝөрә дәрсә бурахылмамасы - гүввәдә олан ганунвериҹилијин кобуд сурәтдә позулмасы демәкдир. ДЕВАММ олараг бу олајы кәскин писләјирик. Вәтәндашын һәм дини етигад азадлығы, һәм тәһсил һүгугу позулур, она гаршы дискриминасија давранышы сәрҝиләнир. Өлкә Конститусијасынын 48-ҹи маддәси, Азәрбајҹанын гошулдуғу "Мүлки вә Сијаси һүгуглар һаггында" Бејнәлхалг Пактын 18-ҹи маддәси илә дини етигад азадлығы, о ҹүмләдән, дини етигада ујғун заһири ҝөркәмә малик олмаг һүгугу бирмәналы олараг тәсбит едилир.
Биз АДНА рәһбәрлијини бу ганун позунтусуну тәҹили арадан галдырмаға, тәләбәнин һүгугларыны тәхирәсалынмаз олараг, бәрпа етмәјә чағырырыг".
Хәбәр хидмәти
Диггәт: Хәбәрдән истифадә етдикдә мәнбәјә истинад лазымдыр
