Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән ишғалчы сионист режимин Меарјо гәзети, бир груп јәһуди радикал гадынларын Гүдс шәһәриндә бир фәләстинли гызын һиҹабыны зорла башындан ҝөтүрмәсиндән јазыб.
Меарјо гәзети ҹанлы шаһидләрә әсасланараг јазыб: "Исраилли гадынлардан бири һеч бир сәбәб вә үзүр олмадан бу фәләстинли гыза һүҹум етди, јумругла онун башына вурду вә гызла мүбаһисәјә башлады. Сонра онун рәфигәләри олан диҝәр радикал исраилли гадынлар да ора чатдылар. Онлар һамылыгла фәләстинли гызы дөјмәјә башладылар. Исраилли гадынлар о гызын һиҹабыны башындан ачмаға чалышырдылар. Лакин, фәләстинли гыз онларын гаршысында мүгавимәт ҝөстәрирди. Онлар бирдән һамылыгла һүҹум чәкәрәк онун һиҹабыны башындан ҝөтүрдүләр".
Бу һадисәдән сәнәдли шәкилләр чәкә билән исраилли сүлһ фәалларындан олан ханым Дуријәт вурғулајыб ки, һадисәнин шаһидләри исраилли гадынларын тәҹавүзүнүн гаршысыны алмаг үчүн һеч бир һәрәкәт етмәдиләр.
Һадисәнин шәкилләринин јајылмасындан сонра сионист режимин полиси бу рүсвајчы ҹинајәти өрт-басдыр етмәк үчүн һадисә илә бағлы ҹинајәт ишинин ачылмасындан хәбәр вериб.
Диггәт: Хәбәрдән истифадә етдикдә мәнбәјә истинад лазымдыр
