Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ислам Дүнјасынын Али Тәглид Мәрҹәләриндән бири сајылан Ајәтуллаһ Бәшир Нәҹәфи, Имам Һүсејнин (әлејһис сәлам) мәзарын зијарәт едиб.
Гејд едәк ки, Ајәтуллаһ Һафиз Бәшир Һүсејн Нәҹәфи Һиндистанын Пәнҹаб әјаләтинин Шәргиндә јерләшән Ҹаләндһәр мәнтәгәсиндә, диндар аиләдә дүнјаја ҝөз ачыб. Бөјүк бабасы Мөвлана Муһәммәд Ибраһим, әмиси Мөвлана Хадим Һүсејн, Пакистанын Лаһур әјаләтинин Бата Пур мәнтәгәсиндә танынмыш Шиә үләмалардан бири олублар. Ајәтуллаһ Һафиз Бәшир Һүсејн Нәҹәфинин аиләси 1947-ҹи илдә Һиндистандан Пакистана көч едәрәк, Бата Пур мәнтәгәсинә ҝәлибләр. Бата Пур мәнтәгәсиндә, Шиә Ҹәфәри Мәзһәбинин давамчылары демәк олар ки, јох сәвијјәсиндә олуб. Лакин Ајәтуллаһ Бәшир Нәҹәфинин аиләси, бу мәнтәгәјә ҝәлдикдән сонра, апардыглары дүзҝүн тәблиғатлар сајәсиндә, Әһли-Бејт (әлејһимус сәлам) мәктәбинин давамчылары мәнтәгәдә чохалыр.
Ајәтуллаһ Һафиз Бәшир Һүсејн Нәҹәфи илк ибтидаи тәһсилини бөјүк бабасы вә һәмчинин әмисиндән алыр. 1961-ҹи илдә Пакистанын Лаһур әјаләтиндәки Лаһур әл-Мүнтәзәр (Аллаһ онун шәрәфли зүһуруну тезләшдирсин) Үниверситетинә дахил олур. Университети битирдикдән сонра елә һәмин ил 1965-дә Али Тәһсилә јијәләнмәк мәгсәди илә Нәҹәфи Әшрәфә јолланыр.
Ајәтуллаһ Бәширин Нәҹәфи Әшрәфдәки танынмыш устадларынын бәзиләринин адлары:
1 Ајәтуллаһ Узма Сејјид Әбул Гасим Хои
2 Ајәтуллаһ Узма Сејјид Муһәммәд Мәһди Буҹнурди
3 Ајәтуллаһ Узма Сејјид Муһәммәд Руһани
4 Шејх Муһәммәд Казим тәбризи
Ајәтуллаһ Һафиз Бәшир Һүсејн Нәҹәфи һазырда Нәҹәфи Әшрәф Елми Һөвзәсиндә сакиндир.
Диггәт: Хәбәрдән истифадә етдикдә мәнбәјә истинад лазымдыр
