Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иорданијада фәалијјәт ҝөстәрән сәләфи “ҹиһадчы”ларын гүдрәти, ҝүнү-ҝүндән артмагда давам едир.
Иорданијалы журналист “Маһир Әбу Тејр”, бу барәдә апардығы арашдырмада нараһат едиҹи мәгамлара тохунараг јазыр: “Иорданијада тәкфирчи сәләфиләрин гүдрәти, сүрәтлә артмагдадыр. Онлар, Сурија һакимијјәтини девирмәк мәгсәди илә, Суријаја јоллнараг, “әл-Нүсрә” террорчу групун бајрагы алтында, јерли һакимијјәт илә вурушурлар. Демәк олар ки, Иорданијалы тәкфирчиләр, Јахын Шәргдә, еләҹәдә Бејнәлхалг мүстәвидә баш верән һадисәләрдә мүһүм рола маликдир. ”
Маһир Әбу Тејр јаздығы мәгаләдә, иорданијалы тәкфирчиләрин сајынын Суријада сүрәтлә артмасына вә Иорданија һөкүмәти тәрәфиндән бу ишин гаршысынын алынмамасына тәкид едәрәк билдирир: “Амман дөвләти, буна диггәт јетирмир ки, артыг АБШ вә Гәрб Иттифагы Суријада “әл-Нүсрә” јараглыларынын фәалијјәтинә сон вермәк фикриндәдир. Вә бу да “әл-Нүсрә” јараглыларынын ҝеријә, доғма вәтәнләри олан Иорданијаја дөнмәси демәкдир.”
Журналист тәсүфлә гејд едир: “Суријада бөһранын сона јетмәси, тәкфирчиләрин ҝеријә дөндүкдә, һәмин бөһранын Иорданијада башланмасы мәнасындадыр. Һазырда Суријада 5 мин иорданијалы тәкфирчи мөвҹуддур. Мүтәхәссисләрин вә Сијаси Тәһлилчиләрин вердикләри прогноза ҝөрә, Иорданија дөвләти, јахын ҝәләҹәкдә ҹиһадчы тәкфирчиләрин Суријадан ҝеријә дөндүкләри заман, ағыр мүһарибәләр илә үзләшмәли олаҹаг.”
Маһир Әбу Тејр даһа сонра гејд едир ки, әлдә олан дәгиг мәлуматлар әсасән, Иорданијаны гаршыда хәтәрли һадисәләр ҝөзләјир.
1- Тәкфирчи сәләфи ҹәрјанын Иорданијада ҝүнү-ҝүндән, сүрәтлә артмасы.
2- Иорданијанын мәтәгәдә баш верән һадисәләрдә, хүсуси илә дә Сурија бөһранын даһа да гызышмасында дәхаләт етмәси.
3- Иорданијада дахили проблемләрин артмасы вә мүхалифәт илә дөвләт арасында ихтилафларын ҝәрҝинләшмәси...
Диггәт: Хәбәрдән истифадә етдикдә мәнбәјә истинад лазымдыр
