Әһли Бејт (әлејһимус сәлам) -АБНА- Хәбәр Аҝентлији- Ҹәнаб Новрузхан! Өз ҹавабында бөјүк сәһвә мүртәкиб олуб, Иранын тарих јарадан халгына һөрмәтсилик етмисән. Гарабағ барәдә ҝениш материалларым вардыр ки, үз-үзә ҝөрүшдә јахуд сонракы мәктубларымда сәнәд, видео-чарх вә фотошәкилләр әсасында онлардан сөһбәт ачаҹағам.
Ислам Шура Мәҹлисинин Милли Тәһлүкәсизлик вә Хариҹи Сијасәт Комиссијасынын витсе-президенти доктор Һәгигәтпурун Азәрбајҹан Республикасынын Милли Мәҹлисинин бәзи нүмајәндәләри, хүсусилә дә һаким партијанын (ЈАП) иҹра катибинин мүавини вә бу партијанын парламентдә тәмсилчиси Сијавуш Новрузовла гејри-һүзури мүназирәләринин ардынҹа Сијавуш Новрузов өзүнүн сон ҹавабында дебаты давам етдирмәјә ҝүҹсүз олмасыны етираф етмишдир вә өз габагкы иддиаларынын әксинә олараг доктор Һәгигәтпурла үз-үзә дебатда иштирак едә билмәјәҹәјини вурғуламагла јанашы Иранын ингилабдан габагкы дуруму вә Иранын Гарабағ мүнагишәсиндәки мөвгеји барәдә бәзи гејри-реал мөвзулар данышмышдыр. Бу да доктор Һәгигәтпурун она даһа ҝениш вә әтрафлы ҹаваб вермәсинә сәбәб олмушдур.
“АранНеwс” доктор Һәгигәтпурун ҹавабыны дәрҹ етмәклә јанашы Азәрбајҹан Республикасы Милли Мәҹлисинин депутатларынын да ҹавабларыны әкс етдирмәјә һазыр олдуғуну билдирир.
Мәктубун мәтни ашағыдакы кимидир:
Ҹәнаб Сијавуш Новрузов
Азәрбајҹан Республикасынын Парламентинин депутаты
Салам.
Габаглар тез ҹаваб вердијиниз мәктубларын әксинә олараг бу дәфә үчүнҹү мәктубумда мүназирә үчүн өзүм мүәјјән мөвзулар тәјин етмәјимдән сонра сиз тәрәфдән һеч бир ҹаваб ҝәлмәди. Дөрдүнҹү мәктубу јаздыгдан вә азәри медиаларынын сизи тәнгид етмәсиндән сонра ҹаваб вермәк мәҹбуријјәтиндә галдыныз. Ҝүман едирәм ки, сизин бу ҹавабыныз әсәбинизин пик һәддиндә олуб. Чүнки габаглар да хатырлатдығым ислами әдәб вә әхлаг гајдаларына риајәт етмәмисән. Төвсијә едирәм, әсәбли вахтынызда ҹаваб вермәкдән чәкинин, чүнки ујғунсузлуға дүчар олурсунуз. Неҹә олур ки, сиз габаг мәнимлә һәр заман вә һәр јердә мүназирә етмәјә һазыр олдуғунузу билдирмишдиниз, амма сон ҹавабынызда мәнимлә ҝөрүшмәјә маил олмадығыныздан данышмысыныз. Һәгигәтин үзә чыхаҹағындан ваһимәләнирсиниз? Сизинлә мүназирә үчүн мүәјјән етдијим вә бу мәктубун сонунда да јенидән хатырладаҹағым мөвзулар сизи ҝери чәкилмәјә вадар етди?
Ҹәнаб Новрузхан! Јаздығым мөвзулара ҹаваб вермәк әвәзинә мәни јаланчылыгда иттиһам етмәјини ҝөзләмәздим. Әҝәр мүсәлмансанса – мән мүсәлман олмағына әминәм – ҝөрәк өз дин гардашына јаланчы төһмәти вурмајасан. Бу, Бадкубәли бир азәрбајҹанлыдан узагдыр. Әминәм ки, мәним азәрбајҹанлы баҹы-гардашларым төһмәт вә ифтира әһли дејилләр. Онлар мәһәббәтли, әдәбли вә меһрибан инсанлардыр, һәмишә онларын јанында өзүмү јахшы һисс етмишәм, әсасән дә Гарабағ мүһарибәсиндә.
Новрузхан, демисиниз ки, адымы дәјишмәјим јахшдыр. Нијә? Чүнки һәгигәти демишәм? Амма Новрузхан, мән инанырам ки, сән адыны дәјишмәмәлисән, үстәлик Сијавуш Новрузханы горујасан. Чүнки “Сијавуш” гәдим дастанлары бизә хатырладыр вә “Новруз” биз иранлыларын бөјүк бајрамыдыр, сиз азәрбајҹанлылар да бу бөјүк мәдәнијјәтин бир һиссәси һесаб едилирсиниз.
Олмаја, әсәб үзүндән бу дәфә ҝедиб адыны дәјишәсән! Әлбәттә, "ов"у дәјишдирә биләрсән. Онун да зәһмәтини мән сәнин үчүн чәкмишәм вә сонсуз һөрмәтлә сизә Новрузов әвәзинә, Новрузхан хитаб едирәм.
Доғрусу, Новрузхан, "ов"у һарадан ҝәтирмисиниз? Сизин әҹдадларыныз бу сонлуглардан истифадә едибләр? Истәјирсән, бу мәсәләни дә мүназирәмизин мөвзулары сырасына дахил едәк?
Ҹәнаб Новрузхан, мәним јаланчы олмағымы сүбут јетирмәк үчүн бир дәлилиниз вармы ки, өзүм вә достларым үчүн фајдалы олсун? "Дәдә Горгуд" китабындан данышмысыз. Онун сәнәди вә мәншәси барәдә мүталиә етмисинизми? Әзизим! Һәгигәтдән гачан кәсләр үчүн һәгигәти ешитмәк аҹыдыр. Сизин һәмин терминә һәссаслығынызын сәбәби бу ола биләр. Әкс һалда һәр сағлам ағыл һөкм едир ки, ҹәнаб али иттиһам әвәзинә гејд олунмуш мөвзулара ҹаваб верәрди. Сизин ҝөрүшдән вә мүназирәдән ашкар сурәтдә гачмағыныз мөвзуну ағыллы инсанлар үчүн бәјан едир.
Ҹәнаб Новрузхан, өз кечмишиниз барәдә бир аз дүшүнмәји тәклиф едирәм. Сиз бөјүк мәдәнијјәт вә свилизасијаја бағлысыныз. Кечән ики әсрдә бу мәдәнијјәт вә свилизасијаны сизин әлиниздән алмаға чалышдылар. Әлифба вә милли тәгвиминизи әлиниздән алдыглары кими сизин кимлијинизи јағмаламаг истәдиләр. Арашдырдыгда баша дүшәҹәксиниз ки, сизин әҹдадларыныз меһрибан, әдәбли, һәгигәт ахтаран вә һәгиги мүсәлманлар олублар. Амма ҹәнаб-али инди ашкара јалан данышыр вә төһмәт вурур. Сизә нә олубдур?!
Ҹәнаб Новрузхан, өз ҹавабынызда демисиниз ки, Азәрбајҹан һәмишә Ислам әнәнәләринә садиг галыб. Бу әразинин нәҹиб әһалисини нәзәрдә тутурсунузса, мән сизин сөзүнүзү тәсдиг едирәм. Амма суал будур ки, һал-һазырда Бадкубәдә Исламын заһириндән вә онун һаким олмасындан кимләр вә һансы нијјәтлә горхурлар? Мәҹсидләри дағыданлар кимләрдир? Мәсҹидләрин минарәсиндән азан сәсинин ҝәлмәсинә мане олмаға чалышыб, мүвәффәг олмајанлар кимләрдир? Ән бариз ислами принсипләри риајәт етмәјәнләр кимләрдир? Вә ...
Ҹәнаб Новрузхан, демисиз ки, мән өлкәниздә һиҹаб гадағасынын барәдәки реаллығын әксинә олараг гарышыглыг, мүбаһисә јарадырам. Сиз, һәгигәтән дә өлкәниздә јаранмыш һиҹаб һәрәкатыны ҝөрмүрсүнүз? Доғрусу, әҝәр сизин орта мәктәбләрдә һиҹаб гадағасы јохдурса, бәс нә үчүн өтән ил 130 мин нәфәр һиҹабын гадағасынын ләғвини тәләб едәрәк мүраҹиәтнамә имзалады? Орта мәктәбләрдә һиҹаб гадағасы јохдурса, бәс нә үчүн гадағаја етираз едәнләри һәбс едирсиниз? Доктор Сәмәдов, һаҹы Абҝүл Сүлејманов, Фирдоси Мәммәдрзајев, Фәрамәз Аббасов, Араз Исмајылов, Илгар Мусајев вә сајлары 160-ы өтән онларла диҝәр дәјәрли вә ҝүнаһсыз инсанлары азәрбајҹанлыларын намусуну мүдафиә етдикләри "ҝүнаһы" илә узун мүддәтли һәбсләрә мәһкум олмајыблармы? Һаҹы Вагиф Абдуллајев вә һөҹҹәтүл-ислам Фүзули Рөвшәнов Бакынын нәмли зинданларында јүксәк шәһадәт дәрәҹәсинә наил олан һиҹаб һәрәкатынын мәһбусларындан дејилдими? Вә ...
Ҹәнаб депутат! Иддиа етмисиниз ки, "Азәрбајҹан һәр заман ислам әнәнәләринә садиг галыб. Исламын тарихи ҝүнләри Азәрбајҹанда һәмишә јүксәк сәвијјәдә гејд олунуб. Азәрбајҹан Гуран һөкмләри әсасында һәмишә бүтүн динләрә һөрмәтлә јанашыр. О ҹүмләдән инсанларын әгидәсинә, онларын дүшүнҹәсинә һөрмәт бәсләјирик".
Ҹәнаб Новрузхан, нә үчүн јанлышлыға дүчар олмусунуз? Сизин бу иддианыз Азәрбајҹан халгы барәсиндә олсајды, доғру иддиа иди. Амма мәсәлә бурасындадыр ки, сиз бу иддианы Азәрбајҹан дөвләти вә парламенти барәдә едирсиниз. Инди дүнјада елә бир адам вармы ки, сизин сијасәтинизин өлкәнизин халгынын дини истәкләри илә зидд олмасыны билмәсин? Ислами мүнасибәтләрдән данышмысыныз. Билмирсиниз ки, Тасуа вә Ашура ҝүнләри шиә аләминин, һәтта Ислам дүнјасынын ән һүзүнлү, Ислам Пејғәмбәринин (с) мөвлуду Ислам дүнјасынын ән шад ҝүнләридир вә диҝәр ислами мүнасибәтләр кими сизин тәрәфиниздән рәсми тәтил елан олунмур? Бунун әксинә олараг, һәр ил јени милади илинин башланмасы мүнасибәтилә “папдан да католик” олараг нечә ҝүн рәсми тәтил едирсиниз?
Ҹәнаб депутат! Инсанларын әгидә вә дүшүнҹәсинә һөрмәт бәсләмәјиниздән данышмысыныз. Сизин кичик өлкәниздә јүзләрлә инсан өз әгидәсини ачыгладығына ҝөрә зиндана атылмајыбмы? Азәрбајҹанлы мүсәлман гадынлар шәхсијјәт вәсигәси вә диҝәр рәсми сәнәд алмаг үчүн башларыны ачмаға вә ја парикдән истифадә етмәјә мәҹбур дејилләрми? Гарабағ шәһидләринин аналары сизин өлкәниздә күчәләри сүпүрмәјә мәҹбур олмалары, сизин нәзәринизҹә инсанлара һөрмәтдирми?
Ислам ҝөрүнтүлү олдуглары үчүн Нардаран вә диҝәр бөлҝәләрин әһалисинин газыны вә сујуну кәсмәклә онлары сыхынтыда сахламағыныз инсан кәрамәтинә риајәт етмәјиниздирми? Чоху ермәниләрдән ибарәт олан минләрлә һомосексуалы өлкәнизә дәвәт етмәјиниз инсанларын кәрамәтинә риајәт етмәкдирми? Бурада доғру дејирсиниз; сиз һомосексуалларын һүгугларына хүсуси диггәт едирсиниз.Һәтта, онларын раһат олмалары үчүн парк дүзәлтдиниз. Бәли, сиз доғру дејирсиниз; инсаларын әгидә вә дүшүнҹәләринә һөрмәт едирсиниз, анҹаг сионистләр тәрәфиндән сизә сифариш олан шәхсләрин. Галанлары илә инсанҹасына рәфтар етмирсиниз. Ислам, һәтта, гәрб инсан һүгуглары даирәләринин Азәрбајҹан Республикасында инсан һүгугларынын позулмасы барәдәки билдиришләри буну тәсдиг едир.
Ҹәнаб Новрузхан, динләрә һөрмәтдән данышмысыныз. Бу ҝөзәл сөздүр, амма сиз әмәлдә һеч бир динә һөрмәт гојмурсунуз. Сиз 95 фаиз әһалинин дининә һөрмәтсизлик етдијиниз, азанын телевизија вә радиодан сәсләнмәсинә иҹазә вермәдијиниз һалда башга динләрә неҹә һөрмәт едирсиниз. Сиз тәкҹә сионистләрә һөрмәтлә јанашырсыныз вә сионизмин дә дин олмамасыны, јәһудијјәт ады алтында өз игтисади вә гејри-инсани марагларыны ҝүдән бир груп олмасыны јахшы билирсиниз.
Ҹәнаб Новрузхан, Гуранын адыны чәкмисиниз. Севинирәм ки, һеч олмаса мүсәлманларын сәмави китабынын адыны билирсиниз. Гуран әсасында һәмсөһбәт олмағымыза һазырсанмы? Гираәт, тәрҹүмә вә тәфсир хүсусунда сөһбәт етмәјимизә һазырсанмы? Гу
