Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Канада дөвләтинин Хариҹи Ишләр Назири Ҹан Берд, Канада Иҹтимаи Палатасынын Хариҹи Ишләр Комитәсинин милләт вәкилләринә мүраҹиәт едәрәк билдириб: “Биз истәмирик ки, бир даһа, бир ҝөз гырпымында, нөвбәти “Әфганыстан”а дахил олаг...”
О, билдириб: “Биз “Мали Республикасы” барәсиндә һәр һансы бир тәсмими тутмамышдан өнҹә, бу һагда мүтләг фикирләшәҹәјик.”
Канада Иҹтимаи Палатасынын Хариҹи Ишләр Комитәсинин Мүһафизәкар милләт вәкилләри, сон заман Канада әһалиси арасында апарылан сорғуларын нәтиҹәсинә истинад едәрәк, Канада тәрәфиндән Мали Республикасына һәр һансы бир мүдахилә едилмәсинин әлејһинә олдугларын билдирмишләр. Лакин Канада дөвләтинин мүхалифәтчиләри исә, Мүһафизкарлары, хариҹи сијасәт ганунларына риајәт етмәмәкдә ҝүнаһкар билирләр.
Канаданын БМТ үзрә кечмиш сәфири Роберт Фаолер исә, Канада Иҹтимаи Палатасынын Хариҹи Ишләр Комитәсинин Мүһафизәкар милләт вәкилләринин сијасәтләрини тәнгид едәрәк дејиб: “Биз, чохлу ишләр ҝөрә биләрик. Бизим Малидәки достларымыз, әлавә тәдбирләрә лаигдир...”
Гејд едәк ки, Канаданын Франса ишғалчылары илә Мали бөһранындакы мүттәфиглији, Мали мүбаризчиләри илә гаршыдурмада, Франса әскәрләринин вә һәрби аваданлыгларынын дашынмасы мәгсәди илә, C-17 типли һәрби јүк тәјјарәсини, ишғалчы гүввәнин ихтијарында гојмасыдыр.
Хатырладаг ки, Канада дөвләтинин гејд олунан мүгавиләси, кечән һәфтә Ҹүмә ҝүнү сона чатмышдыр. Вә бу ҝүнә кими рәсми Канада, мүгавиләнин узадылмасы вә ја ләғви һаггда һеч бир рәсми билдириш јајмајыб.
Диггәт: Хәбәрдән истифадә етдикдә мәнбәјә истинад лазымдыр
