Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнја үзрә Нүвә Силаһынын Јајылмасында бөјүк ролу олан вә сионист исраил режиминә сајы һесабы билинмәјән Күтләви Гырғын Силаһларыны төһфә едән Америка Бирләшмиш Штатлары бир даһа Беларус, Чин, Венесуела, Иран Ислам Республикасы, Сурија вә Суданын бир сыра һүгуги вә физики шәхсләринә гаршы јени санксијалар тәтбиг едиб.
Санксијаја сәбәб Иран Ислам Республикасы, Шимали Кореја вә Суријаја гаршы күтләви гырғын силаһларынын јајылмамасы илә бағлы тәтбиг олунан АБШ ганунун позулмасы сәбәби ҝөстәрилир.
АБШ Дөвләт Департаментинин билдирдијинә ҝөрә, санксијалар Беларусијанын ики тәшкилатына - "ТМ Сервисиз" ширкәти вә Республика Елми вә Сәнаје унитар Мүәссисәси КБ «Радар» -, һәмчинин онларын нәзарәти алтында олан һәр һансы бир мүәссисәләрә тәтбиг едилир.
АБШ рәсми органларынын вердији гәрара әсасән, гејд олунан ширкәтләрин вә физики шәхсләрин ҝөрдүјү ишләр, потенсиал бахымдан "Күтләви Гырғын Силаһлары” (КГС) вә ја круиз вә баллистик ракет силаһларынын инкишафына мадди јардым ҝөстәрмәкдә", һәјата кечә билмәсинә сәбәб олмушдур.
Санксијаларын тәтбиг олунмасына бахмајараг лакин бу мәсәлә илә бағлы АБШ Хариҹи Ишләр Назирлији тәрәфиндән даһа спесифик мәлумат верилмәјиб.
Диггәт: Хәбәрдән истифадә етдикдә мәнбәјә истинад лазымдыр
