Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Президенти Маһмуд Әһмәди Нежад ҹүмә ахшамы Гаһирәдә мисирли бир журналистин Ирагда ҝәрҝинлијин јарадылмасында Түркијәнин ролу вә Анкаранын Ирагын дахили мәсәләләринә мүдахилә етмәси һагдакы суалыны белә ҹавабландырыб: Реҝион өлкәләринин бүтүн рәсмиләри вә сијасәтчиләри өз дар дүнјаларындан кәнара чыхмалы вә һадисәләр, дәјишикликләрлә бағлы тарихи вә ҝениш бахышлара малик олмалыдырлар.
Әһмәди Нежад әлавә едиб: “Баш верән һадисәләрә даһа јүксәк мөвгедән бахдыгда, ҝөрүрсән һамы бир-биринин ҹанына дарашыб. Һалбуки, сорушмаг лазымдыр ки, ортаг дүшмәнимиз олдуғу бир һалда нә үчүн белә бир вәзијјәт һөкм сүрмәлидир?”
ИранИслам Республикасынын Президенти дүшмәнләрин реҝион өлкәләрини парчаламаг ардынҹа олдугларыны билдирәрәк, дејиб: Дүшмәнләр Ираг, Түркијә, Пакистан, Әрәбистан, Судан вә һәтта Иран үчүн планлара маликдирләр вә истәјирләр ки, етник вә мәзһәби һәссаслыглары гызышдырмагла өлкәләри парчаласынлар, зәифләтсинләр.
Диггәт: Хәбәрдән истифадә етдикдә мәнбәјә истинад лазымдыр
