Әһли Бејт -АБНА- хәбәр аҝентлијинин вердији хәбәрә әсасән Түркијәдә али мәктәбләрдә һүгуг тәһсили алан тәләбәләр үчүн нәзәрдә тутулмуш "Конститусија һүгугу" китабында Азәрбајҹан иҹтимаијјәтинин диггәтини ҹәлб едәҹәк гејдләр јер алыб. Китабда Азәрбајҹанын кечмиш президенти Һејдәр Әлијевин ады Сәддам Һүсејн вә Пиночетлә јанашы мүасир дөврүн диктаторларына өрнәк кими чәкилир. Фаҹебоок-да јајылмыш фотосурәтиндән ҝөрүнүр ки, китабын сәһифәләриндән бириндә крал вә ја шаһын (китабда “һөкмдар” – ред.) ким олдуғу һагда изаһат верилир, ардынҹа да ајрыҹа параграфда диктаторлуглардан бәһс олунур. Һәмин бөлүмдән Һејдәр Әлијевин дә адынын јер алдығы парчаны Азәрбајҹан түркҹәсинә ујғунлашдырараг тәгдим едирик:
Диктаторугларда ҝүҹләр бирлији:
Диктаторлугларда иҹраедиҹи вә мәһкәмә һакимијјәтинин бүтүн сәлаһијјәтләри бир шәхсин әлиндә ҹәмләнир. Диктаторлар, мүтләгијјәт режимләриндәки һөкмдарлар кими, ирсән вә ја сечкијлә дејил, өлкәнин гарышыг вә ағыр вәзијјәтиндән јарарланараг һакимијјәтә јијәләнәрләр.
Диктаторлуглар сағ ҹәрәјанларда фашизм вә ја насионал-сосиализм, сол ҹәрәјанларда исә коммунизм адыјла танына биләрләр. Ҝүнүмүздә ортаја чыхан диктаторлар һәр һансы бир идеолоҝијаја сөјкәнмәјә биләрләр. Анҹаг дөвләтин ҝүҹ вә сәлаһијјәтини әлиндә ҹәмләшдирән бу шәхсләр инсанлыға сығмајан идарәчилик системи ортаја гојарлар. Мәсәлән, Сәддам, Һејдәр Әлијев, Пиночет кими...
Диггәт: Хәбәрдән истифадә етдикдә мәнбәјә истинад лазымдыр
