Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Ислам Шурасынын- парламентинин Спикери, Доктор Әли Лариҹани Сурија Парламентинин Спикери Муһәммәд Ҹиһадул Һам илә телефонла данышараг, Фәләстин торпагларын ишғал етмиш сионист исраил режиминин Суријаја етдији сон тәҹавүзүнү мәһкум етмиш вә билдирмишдир: “Сурија һөкүмәтинә гаршы тәхрибат актларынын апарылмасы, ишғалчы исраил режиминин јени имканлар әлдә едтмәси зәмининдә һәјата кечир”.
Ҹәнаб Лариҹани даһа сонра билдириб: “Сонда Сурија халгы мүгавимәт сајәсиндә, мөвҹуд чәтин вәзијјәти дә архада гојаҹагдыр”.
Сурија Парламентинин Спикери Муһәммәд Ҹиһадул Һам да, телефонла данышаркән өз нөвбәсиндә ИИР Ислам Шурасынын Спикери, Доктор Әли Лариҹанијә дәрин миннәтдарлығын билдирәрәк Иран Ислам Республикасынын Сурија халгы вә һөкүмәти кәнарында дурараг бу өлкәјә гаршы јөнәлмиш суи-гәсдләри мәһкум етдијинә ҝөрә дәрин тәшәккүрүнү билдирмишдир.
Ҹәнаб Муһәммәд Ҹиһадул Һам даһа сонра ишғалчы исраил режиминин Суријаја етдији сон һәрби тәҹавүзүнә ишарә едәрәк билдириб: “Тәсүфлә гејд етмәлијик ки, халгымыза вә дөвләтимизә гаршы јөнәлмиш сон фитнәләрдә фәал рол ојнајан бәзи гоншу өлкәләр, Фәләстин Әрәб торпагларыны ишғал етмиш исраил режиминин Суријаја етдији тәҹавүзү гаршысында исә сүкут едирләр...”
Диггәт: Хәбәрдән истифадә етдикдә мәнбәјә истинад лазымдыр
