Әһли Бејт -АБНА- хәбәр аҝентлијинин вердији хәбәрә әсасән бу ҝеҹә Гаһирәдә президент сарајына тәрәф јүрүш едән аксија иштиракчылары илә тәһлүкәсизлик гүввәләри арасында ҹидди гаршыдурмалар баш вериб. Нүмајишчиләр сарајын һасарына галхараг һәјәтә јандырыҹы маддәләр атыблар. Тәһлүкәсизлик гүввәләри ҝөзјашардыҹы газдан истифадә етмәклә иғтишаш јарадан 20 нәфәри тутублар.
Сәһијјә мәнбәләринин вердији мәлумата әсасән, бир нәфәр өлүб, 79 нәфәр јараланыб. Јаралананлар арасында тәһлүкәсизлик гүввәләринин нүмајәндәләри дә вар.
Мисир Президенти Мәһәммәд Мурси аксија иштиракчыларынын бу аддымларыны писләјәрәк нүмајишләрин артыг динҹ характер дашымадығыны билдириб.
Нүмајишчиләрин иддиаларына ҝөрә, онларын мәгсәди дүнән ҹүмә намазындан сонра президент сарајына доғру динҹ јүрүш едәрәк аксија кечирмәк олуб. Амма “Блаҹк Блоҹк” групу үзвләринин иғтишашлары нәтиҹәсиндә аксијаларда зоракылыг гејдә алыныб.
Президент М.Мурси јашанан һадисәләрдә аксија иштиракчыларыны тәһрикә јөнәлдән сијаси гүввәләри ҝүнаһландырыб.
Диггәт: Хәбәрдән истифадә етдикдә мәнбәјә истинад лазымдыр
