Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Мүдафиә Назири Ҝенерал Әһмәд Вәһиди, бу ҝүнкү дүнјада Мүсәлманларын үзләшдикләри проблемләрин тез бир заманда һәлл едилмәси үчүн Ислам өлкәләри тәрәфиндән һәрби бирликин јарадылмасы тәклифинин ирәли сүрүлдүјүнү билдириб.
Ҝенерал Вәһиди, гурулмасыны тәклиф етдикләри һәрби пактын, бүтүн Ислам өлкәләринин координасјонујла вәзифә алаҹағы проблемләрин ән башында Фәләстин мәсәләсинин дурдуғуну билдириб.
Иран Ислам Республикасынын Мүдафиә Назири Ҝенерал Әһмәд Вәһиди даһа сонра билдириб: "Ислам өлкәләри, дүнјада үчүнҹү дәрәҹә ҝүҹ олараг гәбул едилмәмәлидир. Ислам өлкәләри, дүнјадакы ҝүҹ таразлыгларынын биринҹиси олмалыдыр. Ислам өлкәләри, имкан, потенсиал вә саһиб олдуғу дәјәрләрдән дүзҝүн истифадә едәрәк елә бир нөгтәјә ҝәлмәлидирләр ки, тәҹавүзкар гүввәләр, Ислам торпагларына һүҹум чәкмәләрини ағылларындан белә кечирмәмәлидиләр."
Мүдафиә Назири Ҝенерал Вәһиди даһа сонра билдириб ки, саһиб олдуглары һәрби ҝүҹ вә габилијјәтләрин һамысы тәкҹә Иран Ислам Республикасынын дејил, бүтүн Ислам дүнјасынындыр.
Диггәт: Хәбәрдән истифадә етдикдә мәнбәјә истинад лазымдыр
