Әһли Бејт -АБНА- хәбәр аҝентлијинин вердији хәбәрә әсасән Јанварын 24-дә Ағҹабәди рајонунда интиһар һадисәси баш вериб. Рајон Прокурорлуғундан верилән мәлумата ҝөрә, Ағҹабәди шәһәринин Мухтаров күчәси 65 үнванында јашајан 1953-ҹү ил тәвәллүдлү Гулијев Шүкүр Дүшәри оғлу аилә үзвләринин ҝөзү гаршысында сиркә туршусу ичәрәк өзүнү зәһәрләјиб. Саат 10 радәләриндә хәстәханаја ҝәтирилән 60 јашлы киши ахшам саатларында өлүб.
Интиһар етмиш Ш.Гулијев еһтијатда олан полис мајорудур. О узун илләр полис системиндә чалышыб вә нөвбәтчи һиссә рәиси олуб. 60 јашлы Ш.Гулијевин интиһарына исә күлли мигдарда пул борҹунун олмасы сәбәб ҝөстәрилир. Мәлумата ҝөрә, о полис системиндән тәгаүдә чыхдыгдан сонра гоһум-әгрәбадан хејли мигдарда пул борҹ алыб. Ш.Гулијев даһа сонра топладығы пулу фаизлә башга бирисинә борҹ вериб. Лакин онун борҹ вердији шәхс өлкәдән гачыб, Ш.Гулијев исә пис вәзијјәтә дүшүб. Нәһајәт гоһум-әгрәбанын борҹуну гајтара билмәјән еһтијатда олан полис забити өзүнү јахынларынын ҝөзү өнүндә өлдүрүб.
Диггәт: Хәбәрдән истифадә етдикдә мәнбәјә истинад лазымдыр
