Әһли Бејт -АБНА- хәбәр аҝентлијинин вердији хәбәрә әсасән дүнән Мирпаша Һүсејновун һакимлији илә Бакы Апеллјасија Мәһкәмәсиндә мүбариз руһани Һаҹы Абҝүл Сүлејмановун шикајәтинә бахылыб.
Абҝүл Сүлејмановун һүгугларыны мүдафиә едән Анар Гасымлы илк вәсатәт кими, руһанинин һәбси вә евиндә ахтарыш заманы гејдә алынмыш кардларынын ҝөстәрилмәси мәсәләсини галдырыб.
Лакин Мирпаша Һүсејновун һаким һејәти јериндә мүшавирә кечирәрәк, вәсатәти тәмин етмәјиб.
Анар Гасымлы даһа сонра билдириб ки, тәмин олунмајан вәсатәт әслиндә мәһкәмәнин талејини һәлл едә биләрди. Мәһкәмәләрин објектив ишләмәмәси артыг һамыја мәлумдур. Бу кечирилән мәһкәмә дә формал характер дашыјыр. Мәһкәмә һәгигәтләрдән мараглы дејил. Абҝүл Сүлејманов һәбс олунаркән барәсиндә һәбс-гәтимкан тәдбири верилмәјиб. Кечирилән мәһкәмәләр ганунсуз һөкмү гүввәдә сахлајараг ону 1 ил истинтаг мүддәтиндә МТН-дә сахланылмасына гәрар вериб. Даһа бир ганунсузлуг. Абҝүл Сүлејманов санскија верилмәдән 19 ҝүн МТН-дә сахланылыб. Абҝүл Сүлејманов Ислам алимидир, руһанидир. О чыхышларында наркотиклә мүбаризәјә бөјүк рол вериб, депутатлары, мәмурлары ганун позунтуларына ҝөрә тәнгид едиб, Гарабағын азадлығы үчүн һакимијјәтә сәсләниб ки, “Гарабағы азад едә билмирсинизсә, силаһ вер бизә, биз Гарабағы азад едәк”. Алимин һәбсинин сәбәбләри бу ҹүр чыхышлардыр. Абҝүл Сүлејманов милли-ирги ајры чекилик салмагда иттиһам олунур. Гарабағын азадлығына чалышмаг милли-ирги ајры сечкиликдирсә, о заман буну ганун формасына салсынлар. Даһа бир ганун позунтусу. Абҝүл Сүлејманов һәм наркотик истифадәсиндә, һәмдә сатышында иттиһам олунур. Шәрти олараг ҝөтүрсәк ки, Ислам алими наркотик истифадә едир. О заман онун евиндән “чыхарылан” наркотикин сатыш мәгсәди илә олдуғу һардан мәлумдур. Шәрти олараг дејирәм: Бәлкә елә евиндәки наркотики истифадәси үчүн алыб?! Икинҹисидәки, Ислам алиминин оруҹ олдуғу һалда наркотик маддә илә һәбс олунмасы илк иш дејил. Һүгуг мүһафизә органлары артыг диндарлары вә алимләри һәбс етмәк үчүн наркотик маддә илә илк иттиһамы бојнуна гојурлар. Бүтүн бу ганунсузлуглар гаршысында һеч олмаса Апеллјасија мәһкәмәси бундан габагки мәһкәмәләрдә олан ганунсузлуглары тәкрарламасын вә әдаләтли һуманистлик ҝөстәрәрәк Абҝүл Сүлејманова бәраәт версин. Анҹаг илк вәсатәтимин тәмин олунмамасы мәлум едир ки, бурда да ешидәҹәјимиз гәрар әввәлкиләрдән фәргли олмајаҹаг.
Һаким, даһа сонра руһани Һаҹы Абҝүл Сүлејмановдан мүнасибәтини сорушуб. Мүбариз руһани билдириб ки, биз ики дәнә видеочарх истәјирик ҝөстәрәсиниз. Ону да ҝөстәрә билмирсиниз. Бизә әсассыз олараг 11 ил һәбс верибләр амма Ҝүләр Әһмәдова үчүн интернетдә о әсаслар бүтүн ҝүнү далға вурур. Һеч кәс ону тутмур. Мән сиздән нә истәјирәм? Ики дәнә видеочарх. Бири әлим бағлы олан шәкилдә ҹибимә наркотикин атылмасы, диҝәри исә гапысы ачыг олан евдә ахтарышын апарылмасы видео кадрлары. Чох шеј истәмирик ки?! Демирик ки, бизим үчүн Гафгаз дағларыны галдырыб ҝәтирин бура. Бу ики видео кадрларынын ҝөстәрилмәси нијә тәмин олунмур?
Руһанинин бу тәләбинә һаким Мирпаша Һүсејнов белә гаршылыг вериб: “Башга бир шеј истә, ону тәмин едә билмәрик”.
Даһа сонра һакимләр мүшавирә отағына јолланыблар. Мүшавирәдән сонра исә Мирпаша Һүсјенов верилән шикајәтләрин һеч биринин тәмин олунмадығыны билдириб.
Һакимин сон сөзүндән сонра диндарлар верилән гәрарын әдаләтсиз олдуғуну билдириб. Тәкбир шүарлары сәсләндирилиб. Мәһкәмә иҹласы кечирилән залда һакимин әдаләтсиз гәрар чыхармасына ҝөрә әсәбләшән бир нәфәр етираз әламәти олараг ајаггабысыны һаким Мирпаша Һүсејнова тәрәф атыб.
Гејд едәк ки, руһани Абҝүл Сүлејманов 2011-ҹи илин август ајында һәбс олунуб. О, милли, ирги, сосиал вә ја дини нифрәт вә дүшмәнчилијин салынмасы, иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә, наркотик сахлама, сатмаг вә одлу силаһ сахламада тәгсирли билинәрәк Бакы Ағыр Ҹинајәтләр Мәһкәмәсинин 2012-ҹи илин августунда чыхардығы һөкмлә 11 ил мүддәтинә һәбс едилиб.
Диггәт: Хәбәрдән истифадә етдикдә мәнбәјә истинад лазымдыр
