Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда өз бахышларына ҝөрә һәбс олунанлар вар". Буну Авропа Бирлијинин Ҝенишләнмә вә Авропа Гоншулуғу Сијасәти үзрә нүмајәндәси Степһан Фуле "Азадлиг" радиосунун суалына ҹавабында билдириб.
"Инанырам ки, Азәрбајҹанда өз бахышларына ҝөрә һәбс олунан адамлар вар вә бу, јалныз Авропа Шурасыны јох, Авропа Бирлијини дә нараһат едән мәсәләдир. Бу, Азәрбајҹан һакимијјәти илә ишләдијимиз бир сыра саһәләрдән бири олса да, нараһатлыг доғуран әсас саһәдир.
Әмәкдашлығымызын инкишаф етдирилмәсинин әсас јолу, әлбәттә бөјүк мәнада Азәрбајҹанын үзәринә ҝөтүрдүјү өһдәликләрин вә бу өһдәликләри тәмин едәҹәк ганунларын гәбул едилмәсиндән, Азәрбајҹан һакимијјәтинин мүхалифәтлә давранышындан, ифадә азадлығына, фәргли бахышлара олан мүнасибәтиндән асылыдыр", - дејә о гејд едиб.
Диггәт: Хәбәрдән истифадә етдикдә мәнбәјә истинад лазымдыр
