Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Азәрбајҹан Республикасында һәбс едилмиш исламчыларын франсалы вәкили Андре Чами билдириб: "Тәәссүф олсун ки, индијә кими Азәрбајҹан дөвләтинин бејнәлхалг инсан һүгуглары өһдәликләринә фактики риајәт етмәси барәдә һеч бир сүбут јохдур".
О артырыб: "Чох тәәссүфлә билдирим ки, Бакы һәбсханасынын мәсулларынын диггәтсизлији үзүндән мүвәккилим Азәрбајҹан Ислам Партијасынын фәдакар рәһбәри һаҹы Мөвсүм Сәмәдовун үрәк хәстәлијинә тутулмасы вә Пенитенсиар Хидмәтин Мәркәзи Мүалиҹә Мүәссисәсинә көчүрүлмәси барәдә мәлумат алмышам".
Вәкил хатырладыб: "Сәмәдовун өз бејнәлхалг вәкили илә ҝөрүшә билмәсинә иҹазә верилмәмәси Азәрбајҹанын бејнәлхалг мәһкәмә ганунларыны позмасынын ашкар сүбутудур. Мән өз вәзифәмә ујғун олараг бу мәсәләни Страсбургда Инсан Һүгуглары Мәһкәмәсинә чатдыраҹағам".
Ҹәнаб Андре Чами доктор Сәмәдовун физики дурумунун бу һәддә чатмасында Азәрбајҹан һөкумәтини тәгсирләндирәрәк дејиб: "Мүвәккилимин сағламлыг дуруму чох ағыр вә бөһранлыдыр. Азәрбајҹан һөкумәти онун сағламлығы барәдә һәддиндән артыг сәһләнкарлыг етмишдир".
Франсалы вәкил доктор Сәмәдовун мүалиҹә алмасы үчүн Парисә көчүрүлмәсиндә исрарлы олдуғуну билдирәрәк вурғулајыб: "Авропа Бирлијинин вә Авропа Инсан Һүгугулары Мәһкәмәсинин бир сыра нүмајәндәләри Бакыја сәфәрләри, мәһбусларын аиләләри илә ҝөрүшләри вә өз мүшаһидәләри барәдәки һесабатларыны һүгуги сәнәдләрлә бирликдә тәгдим едәҹәкләр. Мән Азәрбајҹан дөвләтиндән вә бу өлкәнин Франсадакы сәфирлијиндән истәјирәм ки, доктор Сәмәдовун мүалиҹә алмасы мәгсәдилә Парисә ҝөндәрилмәси үчүн лазымы тәдбирләри һәјата кечирсинләр. Сәмәдовун мүалиҹәси ҝәрәк буранын һәкимләринин нәзарәти алтында олсун".
Андре Чами гәти сурәтдә билдириб: "Мәним мүвәккилимин сағламлығынын вә ҹанынын горунмасына Азәрбајҹан дөвләти ҹавабдеһдир вә өлкә президентинин шәхсән өзү бу барәдә ҹаваб вермәлидир".
О вурғулајыб: "Сәмәдовун вә диҝәр исламчыларын чохҹилдли иш сәнәдләри Азәрбајҹан дөвләтинин вәтәндаш һүгугларыны вә инсан һүгугларыны ашкар шәкилдә позмалары сәнәдләри илә бирликдә тезликлә Авропа Инсан Һүгугулары Мәһкәмәсиндә ачылаҹагдыр".
Вәкил А. Чами артырыб: "Авропа Бирлији Парламенти дәфәләрлә Азәрбајҹан дөвләти барәдәки өз рәсми һесабатларында вә јүксәк сәвијјәли сәнәдләриндә бу дөвләти вәтәндашларын һүгуг вә азадлыгларыны ашкар сурәтдә позмасында иттиһам етмишдир. Азәрбајҹан дөвләтинин ҹинајәтләринин сәнәдләринин гара гутусу тезликлә Авропа Инсан Һүгугулары Мәһкәмәсиндә ачылаҹагдыр".
Диггәт: Хәбәрдән истифадә етдикдә мәнбәјә истинад лазымдыр
