Әһли Бејт -АБНА- хәбәр аҝентлијинин вердији хәбәрә әсасән Русијада ишләмәјә ҝедән мүсәлман гадынлар сәнәд үчүн һиҹабла шәкил чәкдирә биләрләр.
Бу, Федерал Миграсија Хидмәтинин (ФМХ) рәһбәри Константин Ромодановскинин имзаладығы әмрдән ирәли ҝәлир.
Әмрдә дејилир: "Дини етигадлары баш ҝејими олмадан јад адамлар гаршысында ҝөрүнмәјә иҹазә вермәјән инсанларын үз чеврәсини ҝизләтмәјән баш ҝејимләриндә шәкил чәкдирмәсинә иҹазә верилир. Үст ҝејимдә, чәнәнин бир һиссәсини бағлајан шәрфлә шәкил чәкдирмәјә иҹазә верилмир".
"Һәмин тәләбләр РФ-дә паспортлар үчүн шәкил чәкдирмәјә олан тәләбләрлә ејнидир", - ФМХ-нин мәтбуат катиби Залина Корнилова дејиб.
ФМХ-дән билдирибләр ки, һәмин гајдалар мүхтәлиф динләрә етигад едән инсанлара аиддир.
Диггәт: Хәбәрдән истифадә етдикдә мәнбәјә истинад лазымдыр
