Әһли Бејт -АБНА- хәбәр аҝентлијинин вердији хәбәрә әсасән Суријада, Халгын дәстәкләдији һөкүмәтә гаршы, силаһлы мүбаризә апаран террор шәбәкәләри, Түркијә, Гәтәр, Сәудијјә Әрәбистаны кими реҝион өлкәләријлә јанашы АБШ вә Авропа Бирлији өлкәләри тәрәфиндән дәстәкләндијинә даир, бу ҝүнә гәдәр, чохлу сајда дәлил вә сүбутлар ортаја чыхыб.
Лакин бүтүн бунлара бахмајараг, мәркәзи офиси АБШ-да јерләшән ҸНН-дән јајымланан бир мүсаһибәдә, едилән етираф фөвгүндә һеч кәсдән суал олунмады вә һеч ким дә, буну рүсвајчы әмәл мәнбәји олараг ҝөрмәк истәмәди.
Белә ки, өзүнү Дәралы Сами Јусуф олараг танытдыран террорчу дәстәнин үзвү, Суријадакы етиразлары камераја алдығы үчүн һәбс олундуғуну иддиа едир. Әһрар әш-Шам Бригадаларыјла бирликдә дөјүшдүјүнү билдирән Јусуф, Түркијәјә дә ҝедиб ҝәлдијини билдирир.
Даһа сонра “Салгын”да апардыглары әмәлијјатда, әлә кечирдикләри бир мәктәбдә ојнадыглары волејбол вә Һәләбдә бир дөјүш тәјјарәсинә ачдыглары атәшин ҝөрүнтүләрини пајлашан Јусуф, дәрһал сонра бу галмагаллы сөзләри дилә ҝәтирир: "Һәләбдәки һәјатымыз белә. Һөкумәт гүввәләринә гаршы дөјүшүрүк. Башга бир шеј хатырлаја билмирәм...
Даһа сонра нормал һәјата вә мүһаҹирлијә ҝери дөнәрәк Түркијәјә ҝедирик...
Биз, Суријаја ҝәтиздирилән хариҹи мүҹаһидләри, әҹнәби кими һесаб етмирик. Биз, онлары гардашымыз кими ҝөрүрүк, чүнки онлар мүсәлмандыр. Онлар Ливандан, һәтта АБШ-дан, Фарансадан, Тунисдән вә бүтүн Әрәб өлкәләриндән ҝәлирләр. Әлһәмдүлиллаһ, бизә көмәк етмәјә ҝәлирләр...
Һал-һазырда Түркијәдәјәм, јени ҝәлмишәм. Биз ајда 3 ја да 4 ҝүн раһатламаг үчүн бура ҝәлдијимизи сөјләјә биләрик. Ҝүллә сәсләриндән, бомбардманда вә инсан фәрјадлары гаршысында раһатламаг үчүн ... "
Диггәт: Хәбәрдән истифадә етдикдә мәнбәјә истинад лазымдыр
