Әһли Бејт -АБНА- хәбәр аҝентлијинин вердији хәбәрә әсасән бу ҝүн Сурија дөвләти бу өлкәдә јахаланан Түркијә Һәрби Һава Гүввәләринин вә Түркијә хүсуси хидмәт органы олан МИТ-ин(МИТ-Милли Истиһбарат Тешкилаты) зәбитләринин адларыны ачыглајыб.
Азад Сурија Ордусу адлы террор груплашмасынын тәркибиндә һава лиманыны вә орадакы гырыҹы тәјјарәләри әлә кечирмәк үчүн һүҹум едәркән Сурија ордусунун тәшкил етдији әмәлијјат нәтиҹәсиндә пусгуја дүшүрүләрәк тутлан Түркијә забитләринин адлары:
Искендер Дурмаз (Баш лејтенант) - ТҺҺГ-нин Малатјадакы Ерһач һәрби һава базасынын забити
Мустафа Севимли (Баш Лејтинант) - ТҺҺГ-нин Малатјадакы Ерһач һәрби һава базасынын забити
Илһан Толунај (Капитан) - ТҺҺГ-нин Малатјадакы Ерһач һәрби һава базасынын забити
Јылмаз И. Туран (Јүзбашы) - ТҺҺГ-нин Ескишеһирдәки 1-ҹи Ана Жет һава лиманы команданлығынын забити (јаралы вәзијјәтдәдир)
Дурмуш Кевир (Капитан) - ТҺҺГ-нин Ескишеһирдәки 1-ҹи Ана Жет һава лиманы команданлығынын забити
Мурат Доған (Јүзбашы) - ТҺҺГ-нин Ескишеһирдәки 1-ҹи Ана Жет һава лиманы команданлығынын забити
Әсир дүшмүш МИТ-чиләрин адлары исә беләдир: Капитан Јасин К.; Лејтенант Синан Т.; Лејтенант Фуад Ј.; Лејтенант Мустафа Һ.; Кич.лејтенант Һәсән Ҝ.; Кич.Лејтенант Тарык Т.; Кич.Лејтенант Ибраһим М.; Кич.Лејтенант Јусуф Ҹ.; Кич.Лејтенант Мурад Ј.; Кич.Лејтенант Һарун М.
Хатирладаг ки, бир нечә ҝүн өнҹә Суријада јајынланан "Ал Ватан" гәзети, Сурија кәшфијјат органы олан Муһабератын Түркијә забитләринин Һәләб шәһәри јахынлығында јерләшән “Коерҹ” һәрби һавалиманына һүҹум едәҹәкләри барәдә мәлуат алдығы вә бундан сонра Сурија хүсуси тәјинатлы силаһлы бирләшмәләри тәрәфиндән һәмин әразидә әмәлијјат планынын уғурла һәјата кечирилдијини билдирмишди. Әмәлијјат заманы АСО-нун 40-дан чох террорчусунун өлдүрүлдүјү, 30-дан чохунун исә јахаландығы, јахалананлар арасында Түркијә дөвләтинәин дә забитләринин олдуғу гејд едилмишди.
Түркијә Баш Гәрарҝаһындан исә, бу хәбәри јаланламыш вә "Сөзүҝедән иддиалар тамамән һәгигәтдән узагдыр’’ ачыгламасы верилмишди.
Диггәт: Хәбәрдән истифадә етдикдә мәнбәјә истинад лазымдыр
