Әһли Бејт -АБНА- хәбәр аҝентлијинин вердији хәбәрә әсасән Исламазери.аз Интернет Гәзети, һәмрәјлик ҝүнү, бу ҝүнүн маһијјәти барәдә игтисадчы-политолог профессор Мајис Ҝүләлијевдән мүсаһибә алыб:
Һәмрәјлик ҝүнүнүн гејд едилмәсиндә мәгсәд нәдир?
Үмумијјәтлә белә бир ҝүнүн хүсуси олараг гејд едилмәси, онун дашыдығы мәнанын диггәтә чатдырылмасы мәгсәдини, инсанларын фикрини һәмин мәсәләјә ҹәлб олунмасы мәгсәдини дашыјыр. Бурада әввәла ону дәгигләшдирмәк лазыдыр ки, азәрбајҹанлы дејәндә ким нәзәрдә тутулур вә азәрбајҹанлыларын һәмрәјлији дејиләндә нә нәзәрдә тутулур.
Бурада Азәрјбајҹан вәтәндашларынын һәмрәјлији нәзәрдә тутулурса буну неҹә гијмәтләндирмәк олар?
Әҝәр азәрбајҹанлы дејәндә Азәрбајҹан Республикасынын вәтәндашы олмаг нәзәрдә тутулурса, бәли бу чох ҝөзәл бир тәшәббүсдүр. Јәни өлкәмизин вәтәндашлары бир-бирләри илә даһа меһрибан олмагда, ортаг милли-мәнәви дәјәрләри үчүн бир дамын алтында бирләшмәкдә, бирликдә аддымламагда, гаршылыглы јардымлашмада, дәсдәк олмагда, ҹәмијјәтин инкишафы үчүн сәј етмәкдә һәмрәј олмалыдырлар. Вә дөвләт бу ҝүнү хүсуси олараг гејд едирсә, демәли дөвләтин рәһбәрлији дә өз вәтәндашларынын сосиал,милли-мәнәви, игтидаси рифаһы үчүн сәј ҝөстәрмәли, халгын инкишафы илә һәмрәј олмалыдыр.
Јох әҝәр бурада вәтәндашлыг дејил, етник мәнсубијјәт нәзәрдә тутулурса?
Бәли, онда ҝәрәк тәк азәрбајҹанлыларла кифајәтләнмәјәрәк Авропадан тутмуш Узаг Шәргә гәдәр ҝениш бир ҹоғрафијаја јајылмыш бүтүн түрк етнослары да бура аид едилсин. Һансы ки, һәмин етник групларла биз азәрбајҹанлылары бағлајан демәк олар ки һеч нә јохдур, нә игтисади, нә сијаси, нә адәт-әнәнә, нә дин, нә дә дүшүнҹә бахымындан. Мәсәлән бизим һазырда гагаузларла вә ја сахаларла һансы һәмрәјлијимиздән сөһбәт ҝедә биләр. Демәли белә бир бахыш тәрзи инсанлары ҹәфәнҝ бир идејаја сүрүкләјир, һансы ки, сонунда елә бир ҹәнҹәлә дүшүрләр ки, орадан чыхмаг гејри-мүмкүн олур.
Лакин дүнја азәрбајҹанлылары дејәндә чохлары илк нөвбәдә Ирандакы сојдашларымыздан данышыр. Бәс бу һансы анлама ҝәлир?
Белә дүшүнҹәләрә бир һәдд гојмајанда бәзиләри елә мәгамлара ҝедиб чыхырлар ки, бу ачыг-ашкар сепаратчылыгдыр. Бунлара илк нөвбәдә ону демәк лазымдыр ки, сән һәлә өз өлкәндәки вәтәндашларынын гајғысына гал, онларын илк олараг сосиал рифаһыны тәмин ет, проблемләринин һәллиндә һәмрәјлик ҝөстәр. О тајдакыларын проблемләрини дә онларын тәркибиндә олдуглары дөвләт һәлл етмәлидир, гајғысына һәмин дөвләт галмалыдыр. Һеч кимин һаггы јохдур ки, башга дөвләтин суверенлијинә мүдахилә етсин.
Диггәт: Хәбәрдән истифадә етдикдә мәнбәјә истинад лазымдыр
