Әһли Бејт -АБНА- хәбәр аҝентлијинин вердији хәбәрә әсасән Түркијәдә Мәһкәмә Експертизасы ишләјән, Инсан Һаглары мүдафиәчиси “Кәрур Финҹанчы”, Али Хәлифә режиминин ҹинајәтләри һагда Һүрријјәт гәзетинә мүсаһибә вериб.
Мәһкәмә Експертизасы мүсаһибәсиндә билдириб ки, Али Хәлифә режими, мүхалифәтә гаршы һәр бир ҹинајәт төрәтмкдән чәкинмир.
О, билдириб ки, Бәһрејндә 2012-ҹи илин јанвар ајында, “Јусиф Мәвали” адлы вәтәндаш иткин дүшүр, 8 ҝүндән сонра онун ҹәназәси, јерли полис әмәкдашлары тәрәфиндән јахынларына тәһвил вериләрәк, мәрһумун дәниздә боғулдуғуну билдирирләр. Һадисәдән дәрһал сонра, зәрәрчәкән аилә, мәсәлә илә бағлы “Ишҝәнҹә Гурбанларына Бејнәлхалг Реабилитасија Шурасы”на мүраҹиәт едир, “Бејнәлхалг Реабилитасија Шурасы” да олајла әлагәдар Түркијә Инсан Һаглары Мүдафиәчиләринә мүраҹиәт едир.
“Бејнәлхалг Реабилитасија Шурасы”нын мүраҹиәтинә мүсбәт ҹаваб верән Түркијә Мәһкәмә Експертизасы “Кәрур Финҹанчы”, әрәб ҝејимин ҝејинәрәк, Бәһрејндәки Инсан Һаглары Мүдафиәчиләринин көмәклији илә, Бәһрејнә дахил ола билир.
О, Бәһрејнә етдији сәфәрдә, мәрһумун ҹәсәдин отопси едәрәк, нүмунәсини өзү илә Түркијәјә јохламаға апарыр.
Мәһкәмә Експертизасы “Кәрур Финҹанчы” билдирир ки, нүмунә үзәриндә апардығы јохлама нәтиҹәсиндә ајдын олуб ки, мәрһум, алдығы електрик шоку нәтиҹәсиндә дүнјасыны дәјишиб вә даһа сонра исә онун ҹәсәди, дәнизә атылыб.
Диггәт: Хәбәрдән истифадә етдикдә мәнбәјә истинад лазымдыр
