Әһли Бејт -АБНА- хәбәр аҝентлијинин вердији хәбәрә әсасән Бу ҝүн руһани Абҝүл Сүлејмановун апеллјасија мәһкәмәсинин һазырлыг иҹласында верилән гәрардан кассасија шикајәтинә бахылыб.
Абҝүл Сүлејмановун вәкили Рүстәм Зүлфүгаров "Исламазери.аз"-а билдириб ки, Али Мәһкәмә апеллјасија мәһкәмәсинин һазырлыг иҹласында верилән гәрардан кассасија шикајәтини тәмин етмәјиб.
Һаҹы Абҝүл Сулејманов Бакы Ағыр Ҹинајәтләр мәһкәмәсинин һөкмү илә 11 ил мүддәтинә азадлыгдан мәһрум едилиб. Руһани ҹинајәт мәҹәлләсинин 283.2.1 (Зор тәтбиг етмәклә вә ја зор тәтбиг етмә һәдәси илә төрәдилдикдә милли, ирги, сосиал вә ја дини нифрәт вә дүшмәнчилијин салынмасы (үч илдән беш иләдәк мүддәтә азадлыгдан мәһрум етмә илә ҹәзаландырылыр), 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә (шәрти малијјә ваһиди мәбләғинин беш јүз мислиндән мин мислинәдәк мигдарда ҹәримә вә ја ики иләдәк мүддәтә ислаһ ишләри вә ја ејни мүддәтә азадлығын мәһдудлашдырылмасы вә ја үч иләдәк мүддәтә азадлыгдан мәһрум етмә илә ҹәзаландырылыр), 234.4.3-ҹү (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә маддәләри илә тәгсирли билиниб.
Диггәт: Хәбәрдән истифадә етдикдә мәнбәјә истинад лазымдыр
