Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасында хејли сајда Пејғәмбәр өвладларынын мәзарлары гејдијјата алынмышдыр. Бунлардан бири дә Кашан шәһәриндә јерләшән “Аға Әли Әббас вә Сејјид Муһәммәдин” (әлејһис сәлам) мәзарларыдыр.
“Аға Әли Әббас вә Сејјид Муһәммәд” (әлејһис сәлам), 7-ҹи Имамын, Имам Мусаи Казимин (әлејһис сәлам) өвладларыдыр. Онлар, гардашлары 8-ҹи Имам, Әли Ибни Муса Рзанын (әлејһимәс сәлам) Аббаси Хәлифәси Мәмунун (әлејһи ләнә) иҹбары илә, Мәдинәдән Хорасана, Мәрвә ҝәтиздирилмәсиндән сонра, өз гардашларынын ҝөрүшүнә ҝетмәк мәгсәди илә мүтәшәккил бир карван һазырлајараг Туса доғру јолланырлар.
Әһли Бејт (әлејһимус сәлам) карваны Иран торпагларына дахил олдугда, гардашлары Имам Рзанын (әлејһис сәлам) мәзлумҹасына, гәсибкар Мәмунун (әлејһи ләнә) тәрәфиндән шәһадәтә чатмасы хәбәрини вә онун бүтүн Пејғәмбәр (сәлләлаһу әлејһи вә алиһ) өвладларынын һарада оларларса тутуб өлдүрмәк әмринин вермәсини ешитдикдә, ҹанларыны тәһлүкәдән гуртармаг мәгсәди илә, һәрә бир сәмтә пәнаһ апарыр.
Имам Рзанын (әлејһис сәлам) ики гардашы “Аға Әли Әббас вә Сејјид Муһәммәд” (әлејһис сәлам) шәһәр вә кәндләри кечәрәк Кашана, даһа сонра исә Бадруд (гәдим Бад ) шәһәринә јетиширләр. Бадруд шәһәр валиси вә әһалиси Әһли-Бејт (әлејмимус сәлам) ашигләриндән олдуглары үчүн, 40 ҝүн онлары әзизләјир вә һәр һансы бир зәфәр тохунмасындан аманда сахлајырлар...
“Аға Әли Әббас вә Сејјид Муһәммәд” (әлејһис сәлам) 40 ҝүндән сонра өз сәһабәләри илә бирҝә, гардашлары Имам Рзанын (әлејһис сәлам) наһаг јерә ахыдылдығы ганын интигамын алмагдан өтрү “Тус”а (индики Мәшһәд шәһәри) доғру һәрәкәт едирләр.
Әһли Бејт (әлејһимус сәлам) карваны из итирмәкдән өтрү сәһра дахилиндә јол ҝетмәли олур. Карван јолда гәсибкар Мәмунун (әлеһи ләнә) ордусу илә үзләшир. Баш верән гејри-бәрабәр мүһарибәдә карван үзүвләри һамылыгла шәһадәт мәгамына чатырлар. Шәһидләрин пак бәдәнләри “Халид Абад” әһалисинин гадын вә кишиләринин мүшајиәти илә, шәһид олдуглары мәканда дәфн олунурлар.
Диггәт: Хәбәрдән истифадә етдикдә мәнбәјә истинад лазымдыр
