Әһли Бејт -АБНА- хәбәр аҝентлијинин вердији хәбәрә әсасән “Хеbеr44.cоm” порталынын һәбсдә олан рәһбәри Араз Гулијевә декабрын 10-да јени иттиһам верилиб. Вәкил Фариз Намазов билдириб ки, бу ҝүн Республика Прокурорлуғунун Ағыр Ҹинајәтләрә Даир Ишләр үзрә Истинтаг Идарәсинин мүстәнтиги илә бирликдә Бакы Истинтаг Тәҹридханасында олублар.
Фариз Намазовун сөзләринә ҝөрә, мүстәнтиг тәгсирләндирилән Араз Гулијевә вәкил кими ону тәгдим едиб: “Һүгугларыны мүдафиә еләдијим шәхсә индијә кими Ҹинајәт Мәҹәлләсинин 221.2.1 (хулиганлыг) вә 315.1-ҹи (һакимијјәт нүмајәндәсинә гаршы мүгавимәт ҝөстәрмә) маддәләри илә иттиһам ирәли сүрүлмүшдү. Јени иттиһама ҝөрә, ҹинајәт ишиндән 221.2.1-ҹи маддә ҝөтүрүлдү вә әвәзиндә 5 маддә әлавә олунду: 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 233 (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), 283.1 (Милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә), 315.2 (Һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә), 324 (Азәрбајҹан Республикасынын Дөвләт бајрағы вә ја Азәрбајҹан Республикасынын Дөвләт ҝерби барәдә тәһгиредиҹи һәрәкәтләр)”.
Вәкил әлавә едиб ки, Араз Гулијев бу иттиһамлар үзрә өзүнү тәгсирли билмәјиб: “Бу ҝүн Аразын рәһбәрлик етдији сајтда дәрҹ олунан бәзи мәгаләләрин експертиза рәји дә ачыгланыб. Һәмин мәгаләләрә Дини Гурумларла Иш үзрә Дөвләт Комитәсинин експерти рәј вериб. Рәјдә дејилир ки, һәмин мәгаләләрдә һакимијјәт әлејһинә тәнгиди фикирләр вар, бу исә вәтәндашлара нифаг јаратмаг вә нифрәт етмәјә әсас верир. Араз Гулијев буна да етиразыны билдирди. О әлавә етди ки, әҝәр ону Масаллыда кечирилән бејнәлхалг фолклор фестивалына ҝөрә һәбс едибләрсә, онда нә үчүн “Хебер44.ҹом” сајтында һәмин тәдбири тәблиғ едән јазыларын експертизасы кечирилмир?”
Фариз Намазов һүгугларыны мүдафиә етдији шәхсин сәһһәтинин нормал олдуғуну, сахландығы јердән шикајәти олмадығыны билдириб: “Садәҹә ону әлавә етди ки, һәбс олунаркән Масаллы Рајон Полис Шөбәсиндә ону мөһкәм дөјүбләр, һәтта Бакыја ҝәтириләркән бунун изләри галырмыш. Араз Гулијев дејиб ки, Масаллыда оларкән Ишҝәнҹәләрә Гаршы Азәрбајҹан Комитәсинин сәдри Елчин Беһбудов онунла ҝөрүшүб, вәзијјәти гејдә алыб”.
Вәкил декабрын 15-дә Араз Гулијевлә бир даһа ҝөрүшәҹәјини дејиб: “Араз Гулијев бир даһа тәкрар етди ки, ону јазыларына, журналист фәалијјәтинә ҝөрә һәбс едибләр”.
Араз Гулијев сентјабрын 8-дә Масаллы рајонунда бејнәлхалг фолклор фестивалы илә әлагәли тәдбирин позулмасына ҹәһд ҝөстәрмәкдә, динҹ сакинләрә вә полис әмәкдашына хәсарәт јетирмәк иттиһамы илә тутулуб.
Диггәт: Хәбәрдән истифадә етдикдә мәнбәјә истинад лазымдыр
