Әһли Бејт -АБНА- хәбәр аҝентлијинин вердији хәбәрә әсасән Русија вә Иран Ислам Республикасынын кәшфијјаты АБШ, Франса, Түркијә вә әрәб өлкәләринин бирҝә һазырладығы мәхфи әмәлијјат планындан хәбәр тутараг Суријадакы террорчу груплашмалара ағыр зәрбә ендирибләр. “Кәлбәтин” адланан бу әмәлијјат Путин Истанбулу тәрк етдикдән дәрһал сонра һәјата кечирилиб.
Белә ки, АБШ, Франса, Түркијә вә әрәб кәшфијјаты диҝәр өлкәләрдән, о ҹүмләдән Суријадан олан дөјүшчүләри сәфәрбәр едәрәк пајтахт Дәмәшгә сонунҹу һүҹума һазырлашыблармыш. Тәхминән 10 ҝүн өнҹә дә Азад Сурија Ордусунун команданы Ријад әл-Әсәд "әл-Әрәбијјә" телеканалына вердији мүсаһибәдә јахын ҝүнләрдә пајтахт Дәмәшги әлә кечирмәк үчүн ҝениш әмәлијјатын олаҹағыны ачыгламышды. Амма Русија вә Иран Ислам Республикасы кәшфијјатынын бирҝә сәји нәтиҹәсиндә бу план тамамилә ифша едилиб. Әмәлијјатлар заманы әсасән әл-Гаидә террор тәшкилатынын “ән-Нусрә” груплашмасына үмид бәсләјән Бәшәр Әсәд әлејһдарлары онлара вурулан габаглајыҹы зәрбәдән шока дүшүбләр. Һәтта бу мәсәлә Американы о гәдәр гәзәбләндириб ки, “ән-Нусрә” груплашмасыны террорчуларын сијаһысына салаҹағы илә һәдәләјиб.
Һазырланан әмәлијјат планына әсасән 50 минлик дөјүшҹү илк өнҹә пајтахт Дәмәшг әтрафында олан 4 һава лиманыны әлә кечирмәли вә даһа сонра мүхтәлиф истигамәтләрдән шәһәрә дахил олаҹаглармыш. Амма өнҹәдән әлдә олунан мәлуматлар әсасында террорчуларын топлашдығы јерләри вә онларын мәхфи силаһ анбарларыны мүәјјәнләшдирән Сурија ордусу, гаршы тәрәфи демәк олар ки, тамамилә мәһв едиб.
Мәлумата ҝөрә, ордунун кечирдији әмәлијјатлар заманы 50 минә јахын террорчу өлдүрүлүб, минләрлә дөјүшчү исә өлкәнин шәргиндәки чөлләрә гачмаға мәҹбур олублар. Сурија вә мүттәфигләринин бу наилијјәти гаршы тәрәфи елә чәтин дурума салыб ки, бунунла бағлы олан хәбәрләри там шәкилдә сензура етмәк мәҹбуријјәтиндә галыблар.
Диггәт: Хәбәрдән истифадә етдикдә мәнбәјә истинад лазымдыр
