Әһли Бејт -АБНА- хәбәр аҝентлијинин вердији хәбәрә әсасән Експертләр вә милләт вәкилләри һесаб едирләр ки, әһали арасында гојулан бәзи адларла бағлы гадағалар тәтбиг олунмалыдыр. Белә ки, ејни адларын чохлуғу инсанларын мүәјјән едилмәсиндә проблемләр јарадыр. Она ҝөрә дә һәддән артыг гојулан адларла бағлы гадағалар тәтбиг едилмәлидир.
Белә бир гадағанын тәтбиг едилмәсинин демократик принсипләрә ујғун ҝәлмәмәси илә бағлы ачыглама верән Зијалылар Бирлијинин сәдри Елдәниз Гулијев билдирди ки, Милли Мәҹлис дејилән гурумда сәсләндирилән тәклифләр ҹәмијјәт үчүн хејирли ҝөрүнтү јаратса да, тәклифләрин һеч бири сәмими дејил: “Адлар вә сојадларла бағлы гојула биләҹәк гадағалар нәинки демократик принсипләрә, бу һәтта инсанын арзусунун зорланмасына да ҝәтириб чыхара биләр. Амма бунларын истәјинин сон нәтиҹәси будур ки, өз истәдикләри адлар мәшһур олсун. Мисал үчүн Сијавуш, Мүбариз, Һејдәр, Илһам, Һады кими адларын чохалмасы бунлар үчүн даһа сәрфәлидир. Тәбии ки, бу дејиләнләр ејһам характери дашыјыр.“
Елдәниз бәј ону да билдирди ки, ад вә сојад әслиндә нәслин вә нәҹабәтин узун јолудур: “ Бу јолун мәнзәрәсиндә адларын да чох бөјүк әһәмијјәти вар. Улу бабадан тутмуш, атаја вә өвлада гәдәр гојулан адлар бир нөв ментал хүсусијјәтләримизин дашыјыҹыларына чеврилир. Диҝәр тәрәфдән парапсихологларын арашдырмалары заманы мәлум олуб ки, адлар инсанларын ҝәләҹәк һәјатында рол ојнајыр.”
Диггәт: Хәбәрдән истифадә етдикдә мәнбәјә истинад лазымдыр
