Әһли Бејт -АБНА- хәбәр аҝентлијинин вердији хәбәрә әсасән әһалисинин 90 фаизи Мүсәлман-Шиә, Төвһидчи олан бир өлкәдә анти-Ислам вә гејри-инсани аддымлар атылан заман, дини азадлыглар боғулуб, Мәсҹидләр дағыдылан заман, Һиҹабы мүдафиә едиләнләр һәбс едилиб, һәр һансы бир Ислами һәрәкәт, ја мәрасимә сәрт сензура гојулдуғу заман сәсини чыхартмајан ГМИ шө`бә мүдири, Мирәзиз Сејидзадә декабрын 2-дә Бакыда “Далға” Ҝәнҹләр Һәрәкатынын “Демократија Мәктәби” лајиһәси чәрчивәсиндә ЛҜБТ-ин (лезби, ҝеј, бисексуал, транссексуал) һүгуг вә азадлыгларынын горунмасы вә тәмин олунмасы илә бағлы кечирилмиш тәдбири писләјиб
Мирәзиз Сејидзадә билдириб ки, ислам дининдә бу ҹүр һәрәкәтләр һарам бујурулур: “Бу ҹүр һәрәкәтләр исламда тамамилә гадаған олунмуш вә һарам һесаб олунан һәрәкәтләрдир.”
Сөзүҝедән тәдбирин тәшкилинә бирмәналы олараг етираз етдијини вурғулајан М.Сејидзадә дејиб: “Мән ислам дининин нүмајәндәси олараг бу ҹүр тәдбирләрин кечирилмәсинә чох пис бахырам. Бу ҹүр һәрәкәтләр Азәрбајҹан халгына вә мүсәлманлыға јарашмаз. Биздә гејрәт, кишилик вә гүрур вар. Мән бу тәдбири тәшкил едәнләрә дә диггәтли олмағы мәсләһәт ҝөрүрәм. Арзу едирәм ки, онлар бу ҹүр һәрәкәтләри илә өз нәсилләри үчүн төһмәт газанмасынлар. Аидијјаты гурумлары да бу ҹүр тәдбирләрин гаршысыны алмаға сәсләјирәм.”
Диггәт: Хәбәрдән истифадә етдикдә мәнбәјә истинад лазымдыр
