Әһли Бејт -АБНА- хәбәр аҝентлијинин вердији хәбәрә әсасән Үмумдүнја Вәһши Тәбиәти Мүһафизә Фондунун (WWF) Азәрбајҹан нүмајәндәлијинин кечирдији мониторинг заманы Талыш Мешәләриндә даһа бир Гафгаз бәбири гејдә алыныб.
Еколоҝија вә Тәбии Сәрвәтләр Назирлијинин мәтбуат хидмәтиндән верилән хәбәрә ҝөрә, 25 октјабр 2012-ҹи ил тарихиндә Талыш Мешәләриндә јерләшән Һиркан Милли Паркында гурашдырылмыш фото-тәләләр васитәсилә бәбирин фотошәкли чәкилиб.
Гејд едәк ки, Азәрбајҹан Республикасынын “Гырмызы китабы”на вә Бејнәлхалг Тәбиәти Мүһафизә Иттифагынын “Гырмызы сијаһысы”на дахил едилмиш тәбиәтин надир инҹиси олан бәбирләрин тарихи ареалларынын горунуб сахланылмасы мәгсәдилә ЕТСН тәрәфиндән онларын мәскунлашдығы саһәләрдә (Һиркан вә Зәнҝәзур Милли парклары, Илису Дөвләт Тәбиәт Горуғу вә с.) хүсуси мүһафизә олунан тәбиәт әразиләри јарадылмышдыр.
Диггәт: Хәбәрдән истифадә етдикдә мәнбәјә истинад лазымдыр
