Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Президенти Маһмуд Әһмәдинежат ҺӘМАС-ын Гәззәнин Баш назири Исмајыл Һанијә илә телефон данышығы заманы билдириб: “Исраилин Фәләстин халгынын һүгугларыны рәсмән танымагдан башга чыхыш јолу јохдур”.
О, Гәззә золағынын мүдафиәсиндә ҝөстәрилән мүгавимәтә ҝөрә ҺӘМАС нүмајәндәсинә миннәтдарлығыны билдириб вә рәсми Тәл-Әвивин сон һәддә чатдығыны вурғулајыб.
Исраил үзәриндә газанылмыш гәләбә мүнасибәтилә Исмајыл Һанијәни тәбрик едән М.Әһмәдинежат билдириб: “Иран халгы сизин вә әдаләт уғрунда мүбаризә апаран һәр кәсин гәләбәси нүмаинә дуалар едир. Үмидварыг, әсл диндарларын дәстәји илә Мүгәддәс Гүдсү азад едәҹәк вә дүнјада әдаләти бәргәрар едәҹәјик. Фәләстин халгы дүзҝүн вә шанлы мүгавимәт јолу тутуб”.
И.Һанијә Иран Ислам Республикасынын Фәләстин халгы вә Гәззә золағына ҝөстәрдији дәстәји јүксәк гијмәтләндирәрәк, дост өлкәнин рәһбәринә миннәтдарлығыны билдириб. О, ҺӘМАС-ын һәр заманы Фәләстин халгынын јанында олаҹағыны вә өз принсипләриндән чәкилмәјәҹәјини бәјан едиб.
Диггәт: Хәбәрдән истифадә етдикдә мәнбәјә истинад лазымдыр
