Әһли Бејт -АБНА- хәбәр аҝентлијинин вердији хәбәрә әсасән Зијалылар Форумунун үзвү Елдәниз Гулијев јени јаратдыглары Азәрбајҹан Дөвләтчилији Наминә Демократик Талыш Бирлијинин јараныш сәбәбини шәрһ едәркән билдириб: Нә дејирләр-десинләр, елә шејләрә чохда фикир вермирәм. Әсас одур ки, өз зијалы миссијамызы јеринә јетиририк вә о зонадан олан мүтәрәгги фикирли зијалыларла, алимләрлә вә дин хадимләри илә бир араја ҝәлиб дағыныг олан талыш тәшкилатларыны бир араја ҝәтирмишик”.
Е. Гулијев билдириб ки, бу бирлик бәзи сепарат мејлләриндә оланлары нејтраллашдырмаг мәгсәди ҝүдүр. “Чүнки кифајәт гәдәр сепаратчы гүввәләр вар ки, һәм Русијанын, һәмдә диҝәр групларын мүдахиләси илә пис јола јөнәлибләр. Биз чалышдыг ки, бунун гаршысыны алаг. Һесаб едирәм ки, бу бизим зијалы борҹумуздур. Азәрбајҹан Дөвләтчилији Наминә Демократик Талыш Бирлији һеч дә елә-белә јазылмајыб. О һәгигәтән дөвләтчилији уҹа тутаҹаг вә әсас ҝөтүрәҹәк”.
Е. Гулијев билдириб ки, етник азлыглара гашы сајгысызлыг дөвләтчилијимизә тәһлүкәдир вә тәшкилат бунун гаршысыны алмаг мәгсәди ҝүдүр:
“Бурада әсас мәгсәд талышларын мәдәни ирсини, милли-мәнәви дәјәрләр системини, дилини горумагдыр. Ејни заманда бәрабәрһүгуглу Азәрбајҹан вәтәндашлары олмагларыны дәрк етдирмәкдир. Чүнки Азәрбајҹан тәкҹә азәри түркләриндән ибарәт дејил. Чохсајлы милләтик, һамымыз ејнијик вә Азәрбајҹан вәтәндашыјыг. Сон заманлар баш верән һадисәләр, бәзи мәмурларын өзбашыналығы дөвләтчилијә тәһлүкә јарадыр. Зијалылар Бирлији јаранандан бу тәзјигләрин ичиндәјәм. Истиглалијјәт, демократија, мәнәвијјат, милли-мәнәви дәјәрләр уғрунда мүбаризә апарырыгса, тәзјигләр һәмишә олаҹаг”.
Диггәт: Хәбәрдән истифадә етдикдә мәнбәјә истинад лазымдыр
