Әһли Бејт -АБНА- хәбәр аҝентлијинин вердији хәбәрә әсасән Гаракәнд фаҹиәси вә ја 20 нојабр һадисәсинин нөвбәти илдөнүмүдүр. 1991-ҹи ил нојабрын 20-дә Хоҹавәнд рајонунун Гаракәнд кәндинин јахынлығында Азәрбајҹана мәхсусу “Ми-8” һәрби вертолјоту Азәрбајҹанда игтидар уғрунда савашан әлијевләр сүлаләсинин силаһлы гулдурлары тәрәфиндән вурулуб.
20 нојабр фаҹиәси нәтиҹәсиндә Азәрбајҹанын бир сыра дөвләт мәмурлары, милләт вәкилләри һәлак олдулар. Чох мараглыдыр ки, Русијадан олан ҝенераллар фаҹиә гурбанлары арасында јох иди. Һалбуки һәмин вахт Азәрбајҹанын јүксәк рүтбәли мәмурлары илә бирҝә онлар да вертолјотда олублар. Һадисәдән бир нечә ҝүн кечәндән сонра һәгигәти билмәк үчүн вертолјотдакы гара гутуну Русијаја ҝөндәрдиләр. Анҹаг гара гутудан һеч бир сәс-сораг чыхмады…
Әввәл рәсми вариант сәсләнди: вертолјот думанлы һавада гајалара чырпылыб. Амма онун вурулдуғуну бир нечә ҝүн сонра етираф етдиләр. Бүтүн шүбһәләри арадан галдырмаға вә “Ми-8”и вуран ракетин ермәни мөвгеләриндән чыхдығыны елан етмәјә исә бизә бир нечә ил лазым олду. Лакин “Ми-8”ин сон учуш тарихиндә һәддиндән артыг чох "ағ ләкәләр" вар.
Индијә гәдәр һәлә дә мәлум дејил ки, нијә ичиндә дөвләт катиби, дахили ишләр назири, баш прокурор, президентин мәтбуат катиби вә бир чох мәсул шәхсләр олан, һәрби әмәлијјат зонасы үзәриндән учан “Ми-8”и силаһлы мүһафизә вертолјоту мүшајиәт етмирди?
Нијә онларын һамысы бир вертолјотда иди?
Бүтүн бунлар мүмкүн вә гејри-мүмкүн тәһлүкәсизлик гајдаларына зиддир.
1991-ҹи ил нојабрын 20-дә “Ми-8” һәрби вертолјотунда һәлак оланлар:
Тофиг Казым оғлу Исмајылов – дөвләт катиби;
Исмәт Исмајыл оғлу Гајыбов – Баш прокурор;
Мәһәммәд Нәби оғлу Әсәдов – дөвләт мүшавири;
Зүлфи Салеһ оғлу Һаҹыјев – Баш назирин мүавини;
Вагиф Ҹәфәр оғлу Ҹәфәров – милләт вәкили;
Вәли Һүсјн оғлу Мәммәдов – милләт вәкили;
Осман Мирзә Һүсејн оғлу Мирзәјев – Президент Апаратында шөбә мүдири;
Гурбан Һүсејн оғлу Намазәлијев – назир мүавини;
Игор Александирович Плависки – ДГМБ-нин прокурору;
Владимир Владимирович Ковалјов - ДГМБ-нин Дахили Ишләр Идарәсинин рәиси;
Серҝеј Семјонович Иванов – Дағлыг Гарабағ үзрә милли тәһлүкәсизлик шөбәсинин рәиси;
Николај Владимирович Жинкин – фөвгәладә вәзијјәт рајонунун коменданты;
Санлал Дасумович Сериков – Газахыстан дахили ишләр назиринин мүавини;
Михаил Дмитријевич Лукашов – милис ҝенерал-мајору;
Олег Николојевич Кочерев – полковник-лејтенант;
Рафиг Мәммәд оғлу Мәммәдов – дөвләт катибинин көмәкчиси;
Алы Мустафа оғлу Мустафајев – тележурналист;
Ариф Исмајыл оғлу Һүсејнзадә - АзТВ-дә ишыгчы;
Фәхрәддин Ибраһим оғлу Шаһбазов – видео-оператор;
Вјачеслав Владимирович Котов – вертолјот һејәтинин командири;
Ҝеннади Владимирович Домов - вертолјот һејәтинин үзвү;
Дмитри Борисович Јаровенко –вертолјот һејәтинин үзвү.
Диггәт: Хәбәрдән истифадә етдикдә мәнбәјә истинад лазымдыр
