Әһли Бејт -АБНА- хәбәр аҝентлијинин вердији хәбәрә әсасән Ливан Һизбуллаһ Мүгавимәт Һәрәкаты, Али Хәлифә режим рәсмиләринин бош иттиһамларыны гынајараг Бәһрејндә баш верән сон партламаларын бу өлкәнин өз кәшфијјат тәшкилаты тәрәфиндән төрәдилдијини билдириб.
Ливан Һизбуллаһ Мүгавимәт Һәрәкаты, Бәһрејн өлкәсинә һаким кәсилмиш Али Хәлифә падшаһлыг режиминин информасија ишләри үзрә дөвләт назири Сәмира Рәҹәбин ирәли сүрдүјү иддиаларына кәскин реаксија верәрәк бел бир мәлумат нәшр едиб.
Әл Интигад-ын вердији хәбәрә ҝөрә, Ливан Һизбуллаһ Мүгавимәт Һәрәкаты бу билдиришләриндә, Бәһрејн рәсмиләринин иҹтимаијјәтин диггәтини башга истигамәтә чевирмәк нијјәтиндә олдугларын анладараг, Ливан Һизбуллаһ Мүгавимәт Һәрәкаты һаггында јаланлар чыхарыб наһаг бөһтанлар јағдырдыгларын вә Бәһрејндә баш верән аҹынаҹаглы һадисәләрлә әлагәдар Һизбуллаһы ҝүнаһкар ҝөстәрдикләрини хатырладараг дејиб: "Бу јаланларын ән сон нүмунәси дә, (Бәһрејнин пајтахты) Манамада һәјата кечирилән сон партламаларда Һизбуллаһы мәсул билмәләридир”.
Һизбуллаһ вердији билдиришләриндә һәмчинин, бу мәсәлә илә әлагәдар һәр һансы бир иддианы гынадыгларын гејд едәрәк вурғулајыб: "Партлајыш һадисыләринин пәрдә архасында дуран әсас үнсүрләр, бу һадисәдән Бәһрејнин популјар, сүлһсевәр, Шиә мүхалифәтинә гаршы истифадә едиб, өз халгынын тәләбләрини јеринә јетирмәјә даир мәсулијјәтләриндән бојун гачырмаға чалышан Али хәлифә режими вә онун кәшфијјат назирлијидир".
Диггәт: Хәбәрдән истифадә етдикдә мәнбәјә истинад лазымдыр
