Әһли Бејт -АБНА- хәбәр аҝентлијинин вердији хәбәрә әсасән бу илин мај ајында Бакыда кечирилән бәднам “евровисион”ун фәсадлараы һәләдә давам етмәкдәдир. Белә ки, Азәрбајҹанын милли вә мәнәви дәјәрләринә зидд олан вә һабелә игтисади бахымдан һеч бир дәјәрә малик олмајан мүсабигәјә јалныз өз фикрин билдирәнләр әлијев режиминин әнәнәви сијасәтләринә ујғун олараг мүхтәлиф бәһанәләр илә ШӘРЛӘНИБ зинданлара салындылар. бу ијрәнҹ ојнун гурбанларындан бири дә мәһз Азәрбајҹанын танынмыш Руһаниси Һаҹы Илгар Әлијевдир.
Мәлумата ҝөрә, дүнән Ҹәлилабадда Мүбариз Руһанинин нөвбәти мәһкәмә проссеси кечирилиб.
Исламазери.аз-а мәһкәмәдә иштирак едән шәхсләрдән бири просеслә бағлы ҝениш репортаж ҝөндәриб.
Просесдә илк өнҹә Һаҹы Илгара гаршы “әмәлијјат” кечирән рајонун Наркотиклә Мүбаризә групунун сабиг рәһбәри Огтај адлы шәхс шаһид гисминдә диндирилиб.
Һаким:
-Данышын
Огтај:
-Ҹәнаб Һаким биз тәхминән 3 ај әввәл Һаҹы Илгары тутуб бөлмәјә апардыг.
Бу ҹүмләни дејәндә һаким онун сөзүнә мүдахилә етди:
-3 ај јох, 9 ај Огтај мүәллим, өзүнүзү итирмәјин.
Огтај:
-Јадымда галмајыб. Ҹәнаб Һаким биз 4 нәфәр Һаҹы Илгары тутуб ҝәтирдик шөбәјә, 3 саатдан сонра бөлмәјә апардыг.
Бу фикирләри сөјләјәндә вәкил һакимдән суал вермәсинә иҹазә истәди. Һаким етираз етмәди.
Вәкил деди:
-Нијә ҝөрә Һаҹыны 3 саатдан чох сахладыныз?
Огтај:
-Биз һал шаһиди ахтарырдыг.
Вәкил: Ҝөјтәпәдә сиз таныдығыныз адам јох иди ки, һал шаһидлији етсин? (ред. Һаҹынын үзүнә дуранлар Ҹәлилабаддандырлар).
Бу диндирилмә заманы Һаҹы Илгар өз фикирләрини билдирди:
-Мән мәсҹиддән шөбәјә кими 50 метр пијада ҝәлдим. Әҝәр ҹибимдә наркотика олсајды ону атардым јерә. Јол боју ики дәфә сән-Огтај әлини ҹибимә салдын. Биринҹи дәфә јохладын ки, ҹибим ҹырығды ја јох. Икинҹи дәфә исә нә исә гојдун. Шөбәјә ҝәләндә исә, ҹибимдән Гуран чыхды. Башына вуруб дедин, бәли мән Аллаһдан горхурам.
Һаҹы Илгар сөзләринин давамында бир даһа өзүнүн сифаришлә һәбс едилмәсини өнә чәкәрәк дејиб:
-Мән һагсызлыға, “евровижин”ә, һиҹабсызлыға гаршы чыхдығыма ҝөрә һәбс едилмишәм. Мәнә наркотики јапышдыра билмәзсиниз. Наркотика мәнлик дејил. Мән сөзүмү демишәм вә дејәҹәјәмдә. Сиз истәјирсиз бу гондарма иттиһамларынызы һакимә тәсдиг етдирәсиниз. Бир белә аталар мисалы вар ”Итин јијәси варса, ҹанаварын да Аллаһы вар. Ата минмисиниз, бир ҝүн дүшәҹәксиз, һәмишәлик галмазсыныз.
Огтај бирдән үзүнүн гызармасыны санки һамы ҝөрмәсини һисс едиб деди:
-Һаҹы Гурана анд ичә биләрсән ки, наркотики мән гојмушам сизин ҹибинизә?”.
Һаҹы Илгар:
-Анд ичәрәм, амма сән Гуран таныјан адам дејилсән. Бизим бөјүк мәһкәмәмиз һәлә габағдадыр. Орда билинәҹәк һагг кимди, наһаг ким. Мәним алным Аллаһ гаршысында ачыгды. Мән өзүмү, аиләми, нәслими јаздым Имам Һүсејнин карванына, сиз исә јаздыныз Језидин карванына. Һагг бизимләдир. Сиз нә гәрар версәниз верин. Мәним вәкилимдә, шаһидимдә Аллаһды. Мән бу иши Аллаһа тапшырдым. Мәним вәзифәм һаггы демәкди. Мән Имам Һүсејнин мәктәбини охумушам, мән горхаг дејиләм, горхаг олсајдым данышмаздым.
Вәкил исә бу чыхышдан сонра Һакимә үзүнү тутуб деди:
-Мөһтәрәм Һаким нијә ҝөрә Һаҹы Илгар 3 саат бөлмәдә сахланылыб, һал шаһиди Ҝөјтәпәдә тапмаг олмазды? Нијә үстүнә бахыш сахланылан јердә едилмәјиб?”.
Огтај исә - "Баша дүшүн алынмады" – сөзү илә кифајәтләниб.
Һаҹы Илгар:
Бура мәним Азәрбајҹанымдыр, мәним намусума, мәним гызымын башына, гејрәтимә әл узаданын ја әлини кәсмәлијәм, ја да ки, зинданда јатмалыјам.
Һаким:
Һаҹы сәнин мәсәләнә ҝөрә чох инсан нараһатдыр. Мән һамыдан чох нараһатам. Сизин һамыныздан чох әзијјәт чәкән мәнәм. Мән мәсәләни ишыгландырмалыјам. Даһа сонра һаким шаһиддән сөзүнүн олуб олмадығлн сорушуб.
Шаһид гисминдә диндирилән Наркотиклә Мүбаризә групунун сабиг рәһбәри Огтај исә ҹавабында белә дејиб:
-Мәним сөзүм будур ки, бу ишин башында дуран наркобаронларын досту олан Сәфәр Нуријевдир вә ишләри ҝөрдүрән одур. Мәсәлә мәнлик дејил. Һаҹы бунларын һамысын мәндән јахшы билир. 1 нәфәр бизә дедики ҝедин мәсҹидә орда Һаҹы Илгар вар . Ону тутун бура ҝәтирин,үзәриндә күлли мигдарда наркотик “вар” . Бу иш ән бөјүк ҝүнаһдыр бизим үчүн. Ҝөстәриши Сәфәр Нуријев верди.
Һаким:
-Бизим һеч бир планымыз,фикримиз,мәгсәдимиз јохдур. Нуријев 1-ҹи ҝүн мәһкәмәјә чағрылаҹаг мәсәлә һәллин тапаҹаг.
Нөвбәти мәһкәмә иҹласы нојабр ајынын бешинә тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
