Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда мөвҹуд режим тәрәфиндән Ислама гаршы јүрүдүлән гысганҹлыглара етиразлар етмиш, һабелә мүгәддәс принсипләрин горунмасы јолунда бу ҝүнләрдә һәбсә алынмыш мөмин алим вә диндарларын азадлыға чыхаҹағы илә бағлы Һиҹаб вә Һиҹаб Гадағасы Мәһбусларыны Мүдафиәси Комитәси БӘЈАНАТ вермишдир.
Бәјанаты зијарәтчиләримизә тәгдим едирик.
Бисмиллаһир-Рәһманир-Рәһим!
"Зәрәр чәкмәдән (үзүрсүз сәбәбә ҝөрә евләриндә) әјләшән мөминләрлә Аллаһ јолунда өз маллары вә ҹанлары илә ҹиһад едән (мүбаризә апаран) кимсәләр бир олмазлар. Аллаһ маллары вә ҹанлары илә вурушанлары (евләриндә) әјләшәнләрдән (мүбаризәдә иштирак етмәјәнләрдән) дәрәҹә етибарилә үстүн тутду. Аллаһ бунларын һамысына (һәр икисинә саваб әмәлләринә нисбәтдә мүкафат) вәд етмишдир. (Лакин) Аллаһ мүҹаһидләрә (евләриндә) отуранлардан даһа бөјүк мүкафатларла имтијаз вермишдир." (Ниса сурәси, ајә 95)
Әзиз мүсәлман халгымыз! Имамәтин онунҹу ҝүнәши, Имам Әлијјән Нәгинин (ә) мүбарәк тәвәллүдүнүн илдөнүмү мүнасибәтилә һамынызы тәбрик едир вә вәтәнимизин мүстәгиллији, әрази бүтөвлүјү, мүгәддәс Ислам вә Гурана әмәл олунмасы, дәјәрләрин горунмасы јолунда һамыныза уғурлар арзулајырыг!
Јухарыда гејд едилән мүгәддәс принсипләрин горунмасы јолунда бу ҝүнләрдә һәбсә алынмыш мөмин алим вә диндар гардашларымызын азадлыға чыхаҹағы илә бағлы хәбәрләр ән чох бу јолда бүтүн имканларыны онларын һүгугуларынын мүдафиәсинә сәрф етмиш Һиҹаб вә Һиҹаб Гадағасы Мәһбусларыны Мүдафиәси Комитәсинин идарә һејәтини севиндирди. Һәбсдән азад олунмуш вә азад олунаҹаг бүтүн мөминләри бу шәрәфли јолда ҝөстәрдикләри сәбир вә әзмкарлыг мүнасибәтилә бүтүн һејәтимиз адындан сәмими гәлбдән тәбрик едир, бу мүгәддәс мүбаризә јолунда даһа бөјүк уғурлар арзулајырыг!
Амма ики илдән чох мүсәлман өлкәмиздә Ислама, Гурана, баш өртүјүнә гадағалар гојуб, исламчылара гаршы репрессија, шәр, бөһтан кампанијасы апаран дөвләт мәмурларына вә игтидара үзүмүзү тутуб бир даһа тәкидлә тәләб едирик ки, дүнјада мүсәлман халгымызын адына ләкә ҝәтирән белә рүсвајчы програмларыны кәнара гојуб, мүсәлман халгымызын әсас вә фундаментал проблемләринин һәлли илә мәшғул олсунлар! Ислам вә Гуран зүһур едәндән бу ҝүнә гәдәр она гаршы чыханлар даим хар вә зәлил олуб вә олаҹаглар!
"Анд олсун ахшам чағына ки, инсан зијан ичиндәдир? Јалныз иман ҝәтириб јахшы әмәлләр едән, бир-биринә һаггы вә сәбри төвсијә едән кимсәләрдән башга!" (Әср сурәси)
ҺҺГМ МК-нын мәтбуат хидмәти
Диггәт: Хәбәрдән истифадә етдикдә мәнбәјә истинад лазымдыр
