Зәли- Һәлгәви гурдлар типинә вә Һирудинеа синифинә аиддир.
Зәлинин хариҹи гурулушу
Зәли нин дәри-әзәлә кисәсиндә бүтүн әзәләләр вар. Бу әзәләләр онун һәр тәрәфә дөнмәсинә көмәк едир. Зәли онурғасыздыр. Онун ики әдәд кутикула илә өртүлү кәсиҹи дишҹикләри вар. Зәли паразитлик едәркән, ганы сораркән онун дичҹикләринин јери үчбуҹаг формасында олур.
Зәлинин дахили гурулушу
Зәлидә ики әдәд јарымдаирә чинәдан вар. Бундан башга ағыз сормаҹы, арха сормаҹ, ағыз, удлаг, бағырсаг вардыр. Бағырсаг үч јерә шахәлидир. Бунлардан икиси кор, бири исә анал дәлијә ачылыр. Зәли бир чох хәстәликләри сағалдыр. Буна көмәк исә онун түпүрҹәјиндә олан һирудин ферменти-дир. Зәли тромблашма, ган лахталанмасы вә с. кими хәстәликләрин мүалиҹәсиндә рол ојнајыр.
Зәли илә мүалиҹә - Һирудотерапија - гәдим заманлардан бәри мүхтәлиф хәстәликләрин мүалиҹәсиндә истифадә олунан уникал мүалиҹә нөвү олуб, зәлиләрин инсан организминдә олан биоложи актив нөгтәләрә гојулмасы илә һәјата кечирилир. Бу үсулун еффектлилији зәлинин ағыз секретиндә олан хүсуси маддәләрин олмасы илә әлагәдардыр. Бу маддәләр зәлинин ағыз сујундан инсанын ганына кечир вә өз тәсирини ҝөстәрир. Һирудотерапија кечмиш әсрләрдән бәри истифадә олунан садә вә чох еффектли вә тәһлүкәсиз бир мүалиҹә үсулудур, бир чох хәстәликләрин мүалиҹәсиндә истифадә олунур.
Һирудотерапијанын мүалиҹәви тәсир механизми:
Зәлинин һәјат фәалијјәти мәһсуллары ичәрисиндә 30-а гәдәр фајдалы маддәләр вар. Бу маддәләри ағрыкәсиҹи, антисептик вә с. еффектләри вар. Зәли илә мүалиҹә үрәк-дамар вә синир системинин чох јахшы тәсир едир. Мүтәмади истифадәдә иммун системини дә јүксәлдир. Ганы дурулашдырыр, артериал тәзјиги нормаллашдырыр. Дәридәки чапыгларын сорулмасына көмәк едир.
Зәли мүалиҹәси кечмишдә баш ағрыларында арадан галдырылмасында истифадә олунурмуш. Бәзи халглар сонсузлуғун мүалиҹәсиндә зәлиләрдән истифадә едибләр.
Лазими нәтиҹәни алмаг үчүн 10 зәли проседуру гәбул етмәк лазымдыр. Һәр проседурун даваметмә мүддәти 45 дәгигә олмалыдыр, адәтән бу мүддәтә зәлиләр өзләри дәридән ајрылыр. Бир дәфәјә 3-дән 9-а гәдәр зәли гојулур.
Һансы хәстәликләри зәли васитәсилә мүалиҹә етмәк олар?
• Дәри хәстәликләри (псориаз, екзема)
• Үрәк-дамар хәстәликләри
• Простаты вә потенсија позғунлуглары
• Ендокрин хәстәликләр (шәкәрли диабет, галханабәнзәр вәзи хәстәликләри)
• Гадынларда сиклик проблемләр јарананда
• Миома
• Мүхтәлиф травмалар заманы (сыныглар, әзилмәләр)
• Остеохондроз
• Мүхтәлиф илтиһаби просесләр
• Веналарын варикоз ҝенишләнмәләри
• Тромбофлебит
Зәли илә мүалиҹә ағрылыдырмы?
Зәли тәзә јапышанда пасиентләр хошаҝәлмәз һиссијјат кечирә, бәзә јүнҝүл ағры һисс едә биләрләр. Тәхминән 10 дәгигә сонра бүтүн бу нараһатлыглар кечир, чүнки зәлинин ағыз сујундакы маддәләр бу мүддәтә өз кејидиҹи тәсирини ҝөстәрир.
Әҝәр сизин үчүн зәлини гәбул етмәк мүмкүнсүздүрсә, ондан тәркибиндә зәлинин фајдалы маддәләри олан кремләрдән алыб истифадә едә биләрсиниз.
Зәли илә мүалиҹәјә әкс ҝөстәришләр вармы?
Тәәссүф ки, бүтүн мүалиҹә нөвләриндә олдуғу кими, зәли илә мүалиҹәдә дә әкс ҝөстәришләр мөвҹуддур. Зәли илә мүалиҹә заманы ган чыхдығы үчүн лахталанма системиндә проблем олан хәстәләрә (һемифилија хәстәләринә), гадынлара хас вәзијјәтләр, һамиләлик, доғум вахты, операсија габағы бу мүаливә үсулу әкс ҝөстәришдир.
Хүсуси тапшырыглар
Зәли илә мүалиҹәдән өнҹә мүтләг һәким гәбулунда олуб мүајинәдән кечмәк лазымдыр. Һирудотерапија хүсуси зәлиләр васитәсилә иҹра едилир. Бир зәли јалныз бир хәстә үчүн истифадә олунмалыдыр. Ади су һөвзәләриндән тутулмуш зәлиләрдән истифадә јолверилмәздир! Чүнки ади су һөвзәләриндән тутулан зәлиләрин нә илә гидаландығы мәлум дејил, ола бләр онларын ганында һансыса зәрәрли маддәләр вә мүхтәлиф хәстәликтөрәдиҹи микроблар ола биләр. Бунлар исә мүалиҹә заманы инсанын ганына кечә вә ағыр сонлуглара сәбәб ола биләр.
Диггәт: Хәбәрдән истифадә етдикдә мәнбәјә истинад лазымдыp
