Әһли Бејт -АБНА- хәбәр аҝентлијинин вердији хәбәрә әсасән сәһиһ рәвајәтләрә ҝөрә, Әрәфә ҝүнү Имам Һүсејни (әлејһис сәлам) Кәрбалада зијарәт етмәкин бөјүк савабы вардыр. Бу зијарәтин савабы мин һәҹҹ вә мин үмрә вә мин ҹиһад савабына белә бәрабәрдир. Әҝәр кимсә һәмин ҝүнү Имамын (ә) зијарәтинә ҝетмәјә мүвәффәг оларса, савабы Әрәфатда оланлардан аз дејилдир.
Имам Ҹәфәр Садиг (ә) бујуруб ки, Әрәфә ҝүнүндә Аллаһ Тәала әввәлҹә Имам Һүсејнин (ә) зәвварларына мәрһәмәт ҝөстәриб онларын еһтијаҹларыны өдәјәр, ҝүнаһларыны бағышлајар, даһа сонра Әрәфә чөлүндә һәҹҹ әмәлләрини јеринә јетирән һаҹылара мәрһәмәт ҝөстәрәр
Әрәфә ҝүнүндә Һәзрәт Имам Һүсејнә (ә) мәхсус олан «Әрәфә дуасы»ны охумағын да бөјүк әҹри вар. Ғалиб Әсәдинин оғуллары Бишр вә Бәшир рәвајәт едирләр ки, Имам Һүсејн (ә) бу дуаны әрәфә ҝүнүндә Әрәфат чөлүндәки тәпәнин сол тәрәфиндә дурараг, үзүнү Кәбә истигамәтинә чевирмиш вә әлләрини сифәти бәрабәриндә (гүнут вәзијјәтиндә) тутмуш һалда, сон дәрәҹә тәвазөкар бир вәзијјәтдә сөјләмишдир.
Ашағыдакы шәкилләр Ираг, Иран Ислам Республикасы вә бир чох диҝәр өлкәләрдән Кәрбәлаја ҝәлмиш Имам Һүсејн (әлејһис сәлам) зәвварларынын Әрәфә дуасыны охујан заман чәкилмишдир.
Диггәт: Хәбәрдән истифадә етдикдә мәнбәјә истинад лазымдыр
