Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы хариҹи ишләр назири Әли Әкбәр Салеһи, Теһран илә Вашингтон арасында һәр һансы бир мүзакирәнин олмадығыны вурғулајыб.
Дүнән Мәркәзи Африка хариҹи ишләр назири илә ҝөрүшдән сонра тәшкил оунан мәтбуат конфрансында ачыглама верән Салеһи, Newyork Times гәзетинин шајеә јајдығы “Теһран илә Вашингтон арасында бирбаша мүзакирәләр апарылаҹаг” иддиалары кәскинликлә рәдд етди.
Ҹәнаб Салеһи вердији ачыгламасында билдириб: "Биз дәрҹ олунан һәр һансы бир хәбәрә ҹаваб вермәкдә мәсул дејилик вә Америка илә мүзакирә етмәк кими бир планымыз да јохдур".
Салеһи даһа сонра дејиб: “Әҝәр мәгсәд Иран Ислам Республикасы илә 5 +1 мүзакирәләридирсә, бу мүзакирәләр артыг давам едир”.
О, сонра бу мүзакирәнин һансы ајда баш тута биләҹәјинә ишарә едәрәк дејиб: “Ән сон мүзакирәләрин нојабр ајында баш тутмасы барәсиндә разылашма әлдә олунуб вә јалныз мүзакирә тарихинин вә һарада ҝерчәкләшәҹәји һәләлик дәгиг мәлум дејилдир”.
Диггәт: Хәбәрдән истифадә етдикдә мәнбәјә истинад лазымдыр
