Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы илә Мәркәзи Африка хариҹи ишләр назирләри Теһранда, ики өлкә арасындакы мөвҹуд әлагәләрин бүтүн саһәләрдә инкишаф етдирилмәсинин лазым олдуғуну вурғулајыблар.
Дүнән 21 октјабр 2012 тарихдә бир сыра ҝөрүшләри һәјата кечиртмәк үчүн Иран Ислам Республикасына сәфәр едән Мәркәзи Африка хариҹи ишләр назири Антоине Ҝамби һәмин ҝүн Теһранда иранлы һәмкары Әли Әкбәр Салеһи илә ҝөрүшүб.
Ҝөрүш заманы ики назир, ики өлкә президентләринин мөвҹуд әлагәләрин инкишаф етдирилиб мөһкәмләндирилмәсинә даир сијаси ирадәләрини нәзәрә алараг тиҹарәт, игтисади, мәдәни, тәһсил, сағламлыг, кәнд тәсәррүфаты, јол иншасы инфраструктурлары вә туризм кими мүхтәлиф саһәләрдә әмәкдашлығын даһа да ҝенишләндирилмәси һаггында бир сыра мүзакирәләр апармышлар.
Иран Ислам Республикасынын Хариҹи Ишләр Назири Салеһи ҝөрүш заманы етдији чыхышында, Ислам Республикасы илә Африка өлкәләри арасындакы әлагәләри даһа да инкишаф етдирмәјә чалышан сијасәтләри вә президент Әһмәди Нежадын Мәркәзи Африка Республикасы илә әмәкдашлығын ҝүҹләндирилмәсинә даир хүсуси истәјләринин олдуғуну хатырладараг билдириб: "Иран Ислам Республикасы Мәркәзи Африка илә игтисади, мәдәни, сағламлыг, кәнд тәсәррүфаты, тәһсил, елм вә техноложи саһәләрдә әмәкдашлығы ҝөзәл сүрәтдә инкишаф етдирмәјә һәр ан һазырдыр”.
Мәркәзи Африка хариҹи ишләр назири Ҝамби дә өз нөвбәсиндә етдији чыхышында, өзүнүн ики өлкә Президентинин Иран Ислам Республикасы илә Мәркәзи Африка арасы әмәкдашлығын инкишаф етдирилмәсинә даир вердикләри гәрарлара әмәл етмәк үчүн Теһрана ҝәлдијини гејд едәрәк билдириб: “Мәркәзи Африка да өз нөвбәсиндә Иран Ислам Республикасы илә әмәкдашлығ етмәјин тәрәфдарыдыр”.
Диггәт: Хәбәрдән истифадә етдикдә мәнбәјә истинад лазымдыр
