Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Хәзәрин саһилиндә јерләшән Ҝилан әјаләтинин Астара лиманы вә Бакы лиманы арасында сәрнишиндашымалары һәјата кечирмәк үчүн ҝәми рејси ачылаҹаг.
Тренд-ин мәлуматына ҝөрә, буну Иран Ислам Республикасын Азәрбајҹандакы сәфири Мөһсин Пак Ајин Бакыда кечирилән Бејнәлхалг Иншаат сәрҝисиндә иранлы ширкәтләрин нүмајәндәләри илә ҝөрүшүндә дејиб.
Пак Ајин билдириб ки, Гәзвин-Рәшт-Астара дәмир јолунун истифадәјә верилмәси вә Астара (ИИР)- Бакы - Астара (ИИР) сәрнишиндашыма рејсинин ачылмасы илә ики өлкә арасында тиҹарәт әлагәләрин инкишафы бир нечә дәфә артаҹаг.
Пак Ајин дејиб ки, Бејнәлхалг Иншаат сәрҝиси чәрчивәсиндә Иран Ислам Республикасы вә Азәрбајҹан ширкәтләри арасында әлагәләрин инкишафы үчүн мүзакирәләр апарылыб вә үмид едирик ки, бу мүзакирәләр нәтиҹәасиндә разылашмалар да имзаланаҹаг.
Бундан өнҹә дә Азәрбајҹан вә Иран Ислам Республикасы лиманлары - Бакы вә Әнзәли лиманлары арасында таммигјаслы сәрнишин дашынмалары илә бағлы ики өлкә арасында данышыглар апарылыб.
Бакы вә Әнзәли лиманлары арасында сәрнишин хәтти узун илләр фәалијјәт ҝөстәриб. 1998-ҹи илдән исә онун фәалијјәти дајаныб. Онун бәрпа едилмәси мәсәләси Иран Ислам Республикасы вә Азәрбајҹанын дөвләт структурлары арасында разылашдырылыб. ИИР тәрәфи һәмчинин ҝәләҹәкдә Бакыдан Иран Ислам Республикасынын диҝәр Хәзәр лиманлары - Әмирабад вә Ноушәһрә дашымаларын һәјата кечирилмәсини планлашдырыр.
Диггәт: Хәбәрдән истифадә етдикдә мәнбәјә истинад лазымдыр
