Әһли Бејт -АБНА- хәбәр аҝентлијинин вердији хәбәрә әсасән Фәләстин мүгавимәт һәрәкатлары: Ливан Ислам мүгавимәтинин инкишафы Фәләстин мүгавимәт тәшкилатларынын сионист дүшмәнлә гаршылашма руһијјәсини артырыр.
“Мә`а” хәбәр порталы Һизбуллаһ тәшкилатынын ишғал олунмуш Фәләстин торпагларына пилотсуз тәјјарә ҝөндәрмәси барәдә белә бир бәјәнат јајыб: Гәһрәман мүгавимәт бир даһа сүбут етди ки, дүшмәнин һәрбә-зорбасы гаршысында дајанмаг вә онун Фәләстин халгына, һабелә Ислам үммәтинә гаршы ардыҹыл тәҹавүзләринә гаршылыг вермәк гүдрәтинә маликдир.
Бәјанатда дејилир: Ливанын Ислами мүгавимәт тәшкилаты олан Һизбуллаһын “Әјјуб” әмәлијјаты дүшмән вә онун јерсиз һәрәкәтләринин гаршысында мисилсиз әмәлијјат олмушдур. Бу аддым дүшмәнин кәшфијјат мәркәзләринин тәјјарәни ҝөндәрәнләрин кимлијини танымагда өзләрини итирмәсинә сәбәб олду. Бу мәсәлә ишғалчы Исраил режиминин тәһлүкәсизлик органларынын тәјјарәнин стратежи әһәмијјәтли објектләринә чатмасына мане ола билмәдијинә ҝөрә онлары рүсвај етди.
Мүҹаһид груплашмалар бу әмәлијјаты алгышлајыб вә сионист, ишғалчы, гулдур вә гәсбкар Исраил режиминә хитаб едәрәк дејибләр: Артыг ҝүҹләрин јери дәјишиб вә ҝеријә отурмаг дөврү битиб. Мүгавимәт тәшкилатлары вә мүҹаһидләрин әлејһинә олан бүтүн фитнә вә һијләләрә бахмајараг, онлар сүбут етдиләр ки, мүгавимәт вә ҹиһад јолу дүшмәни тамамилә өз торпагларындан чыхарана гәдәр давам едәҹәкдир.
Диггәт: Хәбәрдән истифадә етдикдә мәнбәјә истинад лазымдыр
