Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Президенти Маһмуд Әһмәди Нежад билдириб: "исраил режим рәсмиләринин ИИР-а һәрби мүдахилә тәһдидләри тәблиғат вә психоложи савашдыр".
Онун сөзләринә ҝөрә, ИИР һеч вахт мүһарибә тәрәфдары олмајыб: "Анҹаг өлкәмизи һәр заман јахшы мүдафиә етдик. Иран халгы бүтүн тәҹавүзкарлара пешманедиҹи ҹаваб вериб вә бундан сонра да елә олаҹаг. Бир овуҹ мәдәнијјәтсиз сионисти ҝәтириб ишғал етдикләри торпагларда һаким етдиләр. Һәтта онларын башгаларыны тәһдид етмәсинә дә иҹазә верирләр. Буна мөвҹуд дүнја низамы вә суперҝүҹләр шәраит јарадыр. Анҹаг белә тәһдидләр Иран Ислам Республикасы үчүн әһәмијјәтсиздир. Биз психоложи мүһарибә илә мүбаризә апарырыг. Тәһдидләри ҹидди гәбул етмәсәк дә, һәр шејә һазырыг".
М. Әһмәди Нежад дејиб ки, ишғалчы исраил режими маҹәра ахтарыр вә тәһдидләрин онлара һеч бир фајдасы олмајаҹаг: "Мүһарибә истәјәнләр гынаг објектинә чеврилмәлидир. Ишғалчы исраил режиминин баш назири Бенјамин Нетанјаһунун ИИР- в ҹын нүвә програмы илә бағлы "гырмызы хәтт" тәклифи мәсәләјә ушагҹасына вә бәсит јанашмадыр. Онун БМТ Баш Ассамблејасынын 67-ҹи сессијасындакы чыхышы заманы тәгдим етдији визуал ҝөрүнтү иҹласа гатыланлар үчүн интеллектуал тәһгир иди”.
Диггәт: Хәбәрдән истифадә етдикдә мәнбәјә истинад лазымдыр
