Әһли Бејт -АБНА- хәбәр аҝентлијинин вердији хәбәрә әсасән сентјабрын 9-у исламчы Сејнур Һүсејновун ҹәза чәкдији һәбсханада бир чох мәһбус күтләви шәкилдә ағыр шәраитә етираз едиб.
Мәһбусун јахынлары Исламинсеси.аз хәбәр порталынын сорғусуна ҹаваб олараг билдирмишләр ки, С. Һүсејнов һәмин етиразда иштирак етмәјиб, лакин буна бахмајараг тәгсирләндирилән шәхсләр арасында С. Һүсејновун да ады олдуғуну ешитмишик.
Һал-һазырда Сејнур әввәл ҹәзасыны чәкдији Бинә һәбсханасына көчүрүлүб.
Орада онун јенидән мүһакимә олунаҹағы вә ҝуман ки, ҹәза мүддәтинин артыррылаҹағы ҝөзләнилир. Мәһбусун аилә үзвләринин ҹәзачәкмә мүәссисәсиндә Сејнурла гәрәзли мүнасибәт ҝөстәрилмәси һаггында дәфәләрлә мәлумат алмалары ҝөстәрир ки, исламчылара гаршы һәтта ҹәзачәкмә мүәссисәләриндә дә нормал вә әдаләтли јанашылмыр.
Гејд едәк ки, феврал ајынын 13-дә Ислам Пејғәмбәри Һәзрәти Муһаммәд (с) вә икинҹи Имам Һәсән(ә) -ын вәфат ҝүнү мүнасибәти илә Хоҹалы сојгырымыны анмаг үчүн Шәһидләр Хијабанына јүрүш етмәк истәјән диндарлар, о ҹүмләдән дә Сејнур Һүсејнов полисләр тәрәфиндән дөјүләрәк һәбс олунмушду. Һазырда исламчылар мәһкумлуг һәјаты јашајырлар.
Диггәт: Хәбәрдән истифадә етдикдә мәнбәјә истинад лазымдыр
